囡囡今晚同朋友打邊爐，而我聽日開始就連放兩日假，依排真係好攰呀，好需要休息一吓，希望趁依兩日又可以讀吓書，因為距離考試只係得番兩個星期 ja，溫就溫咗一半有多 ga la，你問我溫得熟唔熟 ?!  我只可以答你冇上年咁熟囉，不過經過上年考試之後，我知道其實唔駛溫晒書都可以攞個 pass 囉，有好多嘢都係 common sense，希望一切順利啦 

尋晚肚痛肚痾呀，真係諗唔起食過ｄ咩嘢，痾完之後就成個人醒晒，瞓唔番呀，出咗廳用咗一個鐘電腦上網，覺得攰先瞓，果時已經係三點幾喇，所以今朝早起身都有少少攰，一陣返屋企瞓個夠先得 

尋晚響屋企狂溫書，其實今年學既嘢真係唔多，比較上年既嘢容易，一 take pass 我諗唔難，只要到時答 MC 小心ｄ，減少出錯機會，應該好順利攞到張文憑呀 

睇吓星期六放假有咩食先，父親大人好似唔係咁鍾意打邊爐喎，咁唯有再花多ｄ心思去諗吓食咩啦，如果諗唔掂可能返屋企食好過喇 

依排真係好多人黎睇醫生，攪到個人好攰呀，希望可以響診所靜靜地讀吓書都唔得．．．

囡囡都仲有同其他酒店傾談婚姻酒席一事，希望星期六等我放假可以遊覽一番，真係好放心交俾佢處理，不過如果我有時間都會同佢一齊處理婚姻事宜呀 

囡囡今朝心口唔舒服，唔知佢有冇事呢 ?!  有事就去 AED 行一轉啦 ... 

囡囡前日送咗一支男仕面部潤膚液俾我，真係好好用呀，我塊面宜家冇咁乾喇，我都話囡囡對我都算幾好啦．．．另一個例子係尋晚 cancel 咗做代診，囡囡仲開心過我，因為我可以早ｄ返屋企休息同埋早ｄ同囡囡傾計，如果俾其他"囡"囡就一定唔會咁開心 ga la，因為如果我搵多ｄ外快錢，佢地同我出街一定要我買多ｄ嘢，所以一定要我狂做代診，唔理我既健康囉．．．

想買一個可以用水洗既鬚刨作為我既聖誕禮物，一定要同囡囡一齊睇先得，唔想買個咁貴呀，舊型號都冇咩所謂，最緊要係"樂X牌"，摩打轉數一定要快，最重要當然係可以用水洗啦 

尋日同屋企人一齊叫咗 Pizza 返屋企食，好好味呀，不過好肥好油囉，耐唔耐食一次半次就得，成日食就真係冇益呀．．．囡囡黎到都食咗一件，佢都話好好味呀，仲帶咗兩件返屋企食添 

囡囡尋日有少少肚痛，真係話黎就黎，仲準過鬧鐘囉，聽佢講今日冇咩事都放心ｄ，今晚早ｄ瞓就冇咁攰呀 ~~ 

尋日我仲買咗兩樣嘢俾自己，就係一支電動牙刷同埋兩套新既睡衣，兩樣嘢都好鍾意呀，總之尋日過得真係好開心啦 

囡囡尋晚等我等到一點喎，不過果時我應該瞓緊覺 lu，今晚先慢慢再同佢傾心情啦．．．個個都問我仲咩咁搏做 locum 搵快錢喎，係唔係結婚呀 ?!  買車買樓 ?!  其實樣樣都有ｄ啦，錢有邊個話多呀 ?!  見自己好耐都未 call 過，如果想返番入醫院之前一定要練習吓 call，如果咁都頂唔順就只好維持現狀呀．．．而事實上 call 真係好辛苦，瞓得唔好就一定會頭痛頭漲，同埋瞓覺果時好 alert 囉，驚隨時有病人入黎睇醫生，個心跳得好快 ga 

今日冇時間打 blog ... 

囡囡不停幫我睇酒店資料，想揀一間又平又高級既酒店擺酒，希望佢唔會太辛苦啦，我依排又係好忙囉，溫書加睇症都用咗大部份時間喇，聽日仲話做埋 locum，希望今晚都係早ｄ好好休息一吓，有囡囡幫我揀酒店就放心 ga la 

尋晚睇咗之前錄影咗既歌星賀台慶節目，好睇又唔話得，你話悶既又唔係，總之係可睇可不睇也罷啦 

尋晚都唔知仲咩出晒 Urticaria，好痕呀，可能飲咗碗中藥湯出事，加上轉天氣身體會比較敏感，前一日都出咗兩粒，不過估唔到尋晚出到全身都係咁嚴重 ja ma，立即食咗兩粒藥，宜家就真係好好多喇 

部電視整番好喇，整咗 $1150，全數有得同電器行 claim 番，如果真係要自己出錢就未必整 ga la，因為宜家 HD ready 既電視都只係賣 $2K-3K，維修費同買過部電視都差唔多，不過宜家一蚊都唔駛俾就冇所謂啦 

後日係我做夜診 locum 既日子，希望一切順順利利，最緊要有得瞓就得喇 

已經冇跑步成個星期喇，咁凍點跑呀 ?!  希望唔會咁快肥番晒啦 

囡囡好怕凍 ga，佢怕十一月結婚會凍親喎，變咗鷄皮囡囡就唔好啦，keke 

尋日響沙田上咗一堂之後就走喇，同囡囡去睇咗兩間酒店，兩間都 ok 既，一間平ｄ，一間貴ｄ，其實點都好啦，最緊要係我同囡囡開開心心就得喇 

晚上同囡囡響油麻地食日本嘢，好好味呀，不過因為之前果個月同囡囡都食過喇，冇咗一份驚喜既感覺，但係仍然對依間嘢有一份讚賞呀 ~~ 

今朝天氣凍咗好多呀，要著番件冷背心先夠暖，返到診所就暖晒喇；咁凍既日子真係唔想跑步呀，依個禮拜都好似未跑過步，希望唔會咁快肥番晒啦 

囡囡尋晚考新娘化妝既試，一切順順利利，成功合格，仲有機會全班最高分添喎，真係值得慶祝，星期日就同佢去慶祝一吓，食吓好嘢，參觀吓結婚酒店就好喇 

有ｄ擔心星期五做 locum 有冇時間瞓覺呢 ?!  冇得瞓好慘 ga，第二日又要返工，不過下午可以瞓番補數既，趁後生搵多兩個錢旁身都好，當響醫院做囉，醫院都要 call，都要冇得瞓 ga la，宜家又冇壓力咁做，加上做 locum 睇症同做日診睇症係有少少分別既，畢竟做 locum 醫生睇得再好都唔會有人搵番你，只要唔好開錯藥就得，輕鬆好多 

囡囡已經定好星期日參觀酒店既行程，我去沙田上一堂就走 ga la，之後就 join 囡囡呀，希望大家都有一份驚喜啦   

股票尋日又獲利，哈哈．．．一放佢今日就跌喇，真係好開心，值得慶祝 ~~ 

去深圳灣真係幾快喎，車程少過 25 分鍾，過關又快，真係好方便呀，果邊都幾安全吖，遲ｄ真係可以同囡囡返上去影結婚相呀 

今個月接晒兩單 locum 做喇，希望努力ｄ，儲多兩個錢啦 

囡囡好努力幫我搵酒店資料，我依兩日真係比較忙，忙到連書都冇時間溫，真係要多謝囡囡既幫忙喇 

股票獲厚利．．．又有 locum 錢，又有 Bonus 錢，今日真係幾開心