尋日有人黎整好診所果個 clinic solution 程式喇，難就唔係好難用，不過醫生睇症就會麻煩ｄ囉，我都係鍾意傳統用筆寫多ｄ囉，不過科技日新月異，再加上電腦入病歷同出藥可以慳番好多位置存放牌板，都係要慢慢習慣 ga la 

囡囡尋晚同舊既科大同事食晚飯，不過又X城果間"王X沙"真係唔得囉，聽囡囡講當佢地食完之後，果個經理想趕佢地走，一時話ｄ嘢黎晒未，一時又叫埋咗單先，咁既地方一定冇下次，食完嘢坐低傾吓計係必然 ga la，咁都容納唔到就真係 too bad ．．．

尋晚好努力咁整理投資目標價一覽表，希望依一兩個月可以大派用場，機會係有既，不過一定要識得把握囉 

囡囡今晚同科大同事去又一城食飯，希望佢今晚玩得開心啦．．．囡囡尋日響 facebook 同我一位大學女同學傾計，傾佢結婚既嘢，女人都係最緊張依一樣嘢，而男人最緊張就係 ．．．搵錢 

囡囡尋日放假響屋企 hea，下午就同媽咪妹妹飲茶，如果我可以 join 埋就好喇，可惜要返工搵錢吖，而夜晚囡囡就同媽咪一齊包餃子食，真係好開心喇 

哥哥尋日原本約咗父母親大人下午飲茶，不過母親大人突然話唔想去，而父親大人又忙緊整渡假屋既嘢，最後都係掃興收場，冇得飲茶 lu ~~ 

今日有個 BB 黎睇我，見佢好瘦喎，原來佢唔係唔食嘢，而係就算平時冇事冇幹都成日嘔，一食嘢就嘔，唔怪得知咁瘦啦，都有好多兒科醫生睇過佢 ga la，不過情況都係一樣，會唔會有其他問題出現咗呢 ?  真係要深入檢查研究先知咩事喇 

聽講樓下夜診請到醫生喇喎，咁就好喇，至少夜診姑娘唔駛停薪留職啦，而公司亦都賺到錢，唔會向員工開刀，不過真係點解依兩年咁難請醫生呢 ?  係唔係有人從中作怪呢 ?  從中作怪又係咩意思呢 ?  心水清既人一定知道原因 

尋晚同屋企人響電視睇 MJ 演唱會，佢真係跳得好好呀，好有型有款，唔怪得知佢有咁多歌迷啦；屋企好耐之前買咗兩隻 MJ 正版 CD，果陣時都好貴 ga，宜家可能都升咗值添，原本覺得唔係咁好聽，不過宜家覺得愈聽愈好聽呀，一定要好好珍藏果兩隻 CD 先得 

囡囡尋晚問我星期日點樣電暈咗我喎，佢話冇做ｄ咩嘢．．．其實"電暈"既意思有好多種，信面語即係"深深吸引"既意思，所以都唔駛太執著點解囉 

風景都真係幾好，對住維港景色，美中不足係向西，同埋樓價太貴喇，至少要成 340 萬囉，作為投資係一個幾好既選擇，不過首期一定要俾多ｄ先化算，所以暫時我對依ｄ投資冇任何興趣，費事俾ｄ錢銀行賺啦 

傾完 Eric 既婚事安排，就搭車去尖沙咀見囡囡喇，去到之後響港鐵大堂等咗佢一陣啦，尋日又熱又焗又攰，心情初時麻麻地 ga，不過入咗商場之後慢慢就涼快好多，心情都慢慢變返好喇．．．仲要響商場入面試坐埋人地架陳列 Benz，我又唔覺得特別好坐囉，不過買佢既人一定係欣賞佢既安全性同埋 class 囉 

之後同囡囡響海運中心食晚飯，諗住食牛扒西餐既 Doubxe Stxr，不過點知佢改頭換面，食物價錢變得好貴，一個扒餐由$50-60 變咗 $2xx，嘩 ~~ 想食咗人隻車咩 ?!  不過坐低咗就費事走啦，加上尋日又咁攰，我地最後都冇食佢既扒餐呀，食咗一個日本定食同一個蟹肉蟹膏麵，都好好食既，不過唔係太飽，同埋價錢唔合理囉 

食完晚飯同囡囡響海旁睇"幻彩X香江"既煙火，再之後去麥當當買咗包薯條一路行海旁一路食，大家都好開心呀，加上夜晚維景既景色好迷人，又被囡囡電暈咗，成晚既氣氛都好好 

話說樓下好似請唔到夜診醫生喎，劉太一定好緊張啦，不過話時話，原來宜家請醫生真係幾難喎，個個都想留番響醫院到做 

Yuki 姐早排咳得好犀利，食咗我既藥之後好返好多喇，尋晚俾多一次藥之後希望快ｄ好番啦 

囡囡今日約咗人唱 K，希望玩得開心ｄ，不過佢同咩人去呢 ??  一陣問吓佢先得 

尋晚美股急升 200 點，今日港股係期指結算前，應該都會狂升 ga la，之後過咗六月就真係好危險，七八月應該會有幾大既調整，一定要小心，就算係玩，一定唔可以大數目，坐咗艇就真係報唔到仇 ga la 

囡囡今日要 present，希望佢一切順順利利就好喇 

今朝早收到 Eric send 黎既 email，星期日會去佢個朋友屋企傾嘢，住碧海X天，響個人自然反應之下，第一時間上網 check check 果層樓既價錢，得出黎既反應係 ...

都唔知果日會傾到幾時 ga，最壞打算係果日只可以同囡囡食晚飯，希望佢唔會介意啦 

依兩日股票都有獲利，值得慶祝，響風高浪急既情況之下，投資數目唔多，搵既亦都唔多，兩日之內搵到既外快都可以洗到成個月有多 ga，況且我又唔係大洗，慳慳地都幾好用 ga 

尋日叫姑娘買咗曱甴粉呀，$10 一包，唔係診所有曱甴，只係果ｄ曱甴粉唔係成日都有得賣，買定ｄ擺響診所做預防都好，同埋真係好 work 囉，記得上年診所有成七十隻曱甴仔都係俾果ｄ曱甴粉攪掂晒，宜家響診所真係想搵一隻曱甴都難呀 ~~ 

同囡囡玩 faxebook 遊戲 pet socxety，種咗好多水果呀，有香蕉同椰子，仲有 Carrot 同蔬菜，當然唔少得仲有好多花啦，都幾好玩既，可能有囡囡同我一齊玩啦，其他遊戲就真係興趣不大，宜家我響果個遊戲入面排行都幾高 ga，不過之後就應該冇得點樣再升囉，因為最前個兩個係改 game 既，已經被人 block 咗 account，不過個分數就超高囉，除此之外就有囡囡同另一個朋友仔，短期內應該可以超越果個朋友仔，不過囡囡個分升得快我好多囉，一定超越唔到佢呀 

尋日趁股市升既時候，放咗大部份既股票，尋晚美股急跌，睇吓今日有冇機會入番ｄ平貨先得 ~~ 

尋日同囡囡食咗個魚柳包做早餐，中午就同父母親大人飲茶，父親節喎，緊係要慶祝一吓啦，跟住就去囡囡屋企，同佢地屋企人慶祝父親節．．．d 嘢好好味呀，好新鮮，果然係一等一既酒樓，真係要多謝囡囡依一餐呀 ~~ 

依排想買ｄ止汗劑用吓，不過用過囡囡果ｄ，發現用處不大，可能我太大汗喇，用依ｄ止汗劑對我黎講冇咩用，最後都係決定．．．唔用 !! 

囡囡尋日跌咗部新電話落地，好彩冇爛到，只係ｄ邊位有少少花咗，佢用咗都未有半年 ga，係我送俾佢作為生日禮物，希望囡囡之後小心ｄ用佢啦 

囡囡今晚會黎探我，等我響屋企食完飯先見佢啦，而囡囡就會同佢ｄ朋友仔一齊食晚飯，順便行吓街，都有好多嘢睇 ga，不過千期唔好瘋狂購物就得喇．．．聽日星期日既晚餐會同囡囡屋企人出街食，順便慶祝父親節，多謝囡囡請我食飯呀 ~~ 

收到醫管局既 email 喇，關於醫院病人資料可響私家醫生度睇 (PPI)，不過都唔理佢住喇，到時真係有病人要用先算啦，因為又要打病歷入電腦，又要寫牌板，都幾麻煩，仲要唔知藥物供應方面會有咩配合，總之一於唔理咁多呀  ~~

屋企部手提電腦都有 8 成回復喇，包括 softwares，bookmarks 同其他功能都已經整好，不過都唔會攞返診所住喇，因為診所部電腦都已經 set 好晒個人 password，至少唔會俾其他代診醫生睇到我既嘢，安全ｄ好 

尋日下午真係太得閑喇，如果多番ｄ人就唔駛咁悶啦．．．悶之餘凱欣妹妹返咗黎探班喎，佢都冇咩點變，唔瘦唔肥咁囉 

近排心情都係麻麻地，不過又唔知係咩事喎，總之有一種好不安既感覺啦