放咗兩日大假，心情輕鬆，星期日同囡囡出去攞鑽石戒指，真係好靚呀，再去睇酒店場地，靚就靚喇，不過有最低消費囉，我估一ｄ都唔平 ga，如果圍數唔夠，就唯有擺酒樓喇，因為酒店真係要 1 萬蚊一圍 ga，真係幾豪華呀 

依兩日叫咗三次外賣，同囡囡響渡假屋食飯，唔駛走落街食都幾爽喎，不過味道就一般，但係又唔想囡囡煮喎，叫一兩次外賣都唔緊要既，餐餐食就唔好喇 

尋日放假響渡假屋 hea，中午父母親大人攞咗部吸塵機黎俾我，因為舊果部發出一ｄ臭味，試玩完吸塵機就一齊嘆吓電視，跟住就落街食鷄鷄，再之後我又上返去瞓覺，咁既生活都幾寫意喎 

尋日都有去跑步呀，跑咗 16 x 400 = 6400 米，再練好少少就真係可以跑半馬拉松，仲有一樣最開心既事係我已經減咗八磅喇，成績真係好好呀