尋晚第一次響微雨中練跑，感覺清涼，不過就要好小心囉，地面濕滑其實好容易跌倒 ga，所以跑得好慢囉，跑完之後成個人鬆晒，感覺真係好好，一定要繼續堅持跑步先得 

囡囡今晚要上堂呀，希望佢唔好太辛苦啦，聽日應該可以同佢見面呀，因為十月一日係紅日，而且我又攞咗半日假休息一吓，到時睇吓有冇得瞓吓覺先出街啦，定係同屋企人食上海嘢，再上渡假屋 hea 吓，還是早ｄ見囡囡呀 

母親大人今朝早約咗師奶們出去荃灣行街，中午可能要自己買飯盒食，宜家諗緊響診所食埋定係返屋企先食，一陣打俾母親大人睇吓情況先得 

今日起身又有少少頭痛，真係唔知點解成日咁易頭痛 ga ?!  唔通瞓覺果時空氣唔夠 ?!  長遠落去都唔係一個辨法，不過為咗工作都要食粒止痛藥先，頭痛住真係睇唔到症囉 

都同囡囡一家有咗初步共識，都算幾好喎，希望一切順利啦 

後日返半日工 ja，到時睇吓會唔會同屋企人飲完茶之後再約囡囡出去睇煙花，定係各自各響屋企休息一吓，不過點都好，有得放半日假真係好開心呀 

尋日響渡假屋出發去太子見 Eric 同安仔二人，傾吓星期日 Eric 結婚一事，都傾咗好耐呀，攪到成差不多五點先走得，好在囡囡一早已經上咗渡假屋嘆世界姐，到我返到渡假屋已經係六點喇，買咗兩個飯盒上去食，乾手淨腳費事要洗嘢，睇吓電視嘆吓都不知幾過癮 

同囡囡傾好咗一ｄ人生大事既細節嘢喇，希望大家都有個好既共識，費事將來為一ｄ錢銀無謂嘢煩啦，只希望將來開開心心就得喇 

囡囡尋日著得好靚好 Sexy 呀，不過返屋企果時俾一個男人跟囉，攪到有ｄ擔心佢呀，好彩宜家都冇嘢，下次唔好著得太 Sexy 喇 

今朝一起身有少少頭痛呀，食咗粒止痛藥就好少少，希望一陣都唔會有痛啦，因為今日應該會好忙，都唔知點解依排會咁多人唔舒服要睇醫生囉，真係做到好攰，好辛苦呀 

Eric 約咗我星期日出太子傾嘢，順便睇吓ｄ酒樓安排，之後就約囡囡去渡假屋休息，希望聽日大家都開開心心啦 

囡囡尋日上堂，同"囡"囡講開女人一定要做 pap test，都係既，安全第一嘛，尤其是之前有好多個男伴既女仕就更加需要做喇，囡囡就可以唔駛咁急做住喇 

尋晚同屋企人落元朗"田X"食壽司，大大件，好好味，九點幾去到唔駛等位，位置上就麻麻地喇，太迫囉，不過嘢食就相當好食，新鮮加大件，五個人食到飽晒都只係 $300，有機會一定要再試多次呀 ．．．尋既響 "田X" 咁o岩撞到阿瑩姑娘同佢男朋友一齊食壽司喎，真係約埋都冇咁o岩呀 

囡囡今晚又要上堂喇，佢應該學咗好多嘢喇，不過就幾辛苦囉，學還學，最緊要識得休息同放鬆自己，咁學完果晚就唔會瞓唔著啦 

依排個市好似有ｄ動盪，一定要睇準時機先得，十月係傳統股市下跌既月份，跌就應該會跌 ga la，不過一定唔會跌好多囉，希望可以把握依個時機入番多ｄ靚貨，一到牛市三期就有大收獲喇 

今晚同屋企人出元朗食壽司，唔知會唔會好多人呢 ?!  天文台話有機會落雨，希望夜晚唔會落雨啦 

囡囡尋晚又要上堂喇，好似學到好多嘢喎，化到個 model 成個楊千樺咁，都係有專業水平呀，要繼續努力，我一定會支持佢 ga 

尋日母親大人買咗好多幅畫返黎喎，又唔係好貴，值得一掛 

尋日狂攪網上 K9 protection 既突破，差少少，唔知點解仲係唔得，要問一問大佬先得 

囡囡今日又上堂喇，時間真係過得好快．．．我星期四會同屋企人出去食壽司，希望大家都食得開心啦 

尋日跑步跑咗 10 圈，不過係慢跑，唔會太辛苦，當然唔係連續咁跑啦，係 8+2 咁跑，睇黎我既體力真係好咗好多 

囡囡做咗 eye shadow 功課俾我睇呀，做得好好呀，畫得又靚，如果我畫畫有咁好就好喇 

今朝好攰呀，尋日跑步好攰，跑咗六圈半就頂唔順喇，橫隔膜有少少痛，跟住就停咗跑休息一吓，費事跑傷自己呀 

囡囡將自己 set 頭化妝既功課擺咗上網喎，都整得好靚，一定要再努力加油呀 

依幾日真係好忙，忙到冇停手，攪到冇心機打 blog 

尋日一早起身去剪頭髮，返屋企梳洗完就同屋企人去茶餐廳食午餐，三碟炒嘢，好多油好肥，唔太鍾意長期食依ｄ嘢囉．．．食完嘢行超市，囡囡打黎話搭緊車喇，咁我就準備接囡囡喇 

見到囡囡之後就買嘢食喇，買咗炒麵同燒賣食，不過囡囡之後話食完有少少肚痾喎    

買咗隻跳字錶喇，又平又靚，用黎跑步計時至o岩，真係勁開心囉 

同囡囡響渡假屋玩咗成日，傾吓計，談吓心事，話咁快又食晚飯喇，同囡囡步行去買過橋米線食，好好味呀，又大碗又好食，最緊要夠平，真係一餐好既晚餐呀 

送囡囡走果時計錯時間，攪到走咗班車，足足等咗四個字先有車黎，不過有囡囡陪住都唔覺等得太耐呀，仲好開心添 

囡囡尋日上完堂趕住返屋企打電話俾我，不過我就掛住睇電視唔理佢，希望佢唔好介意啦，我都係想佢早ｄ瞓覺覺豬姐 

其實我尋晚都好攰呀，因為連續練咗兩日跑，尋晚既體力好明顯係差過前一日，對腳有ｄ攰，有少少唔夠氣既現象，幸好都可以完成七圈半依個指定動作，成個人鬆晒，遲ｄ想買隻跳字錶計時跑步呀，平平地就得 ga la 

聽朝早想修吓ｄ頭髮，因為太長去 Eric 個婚姻做兄弟唔係咁好囉，順便買埋牛肉飯食，跟住就同囡囡去玩喇，哈哈