西鐵將會響下個月中通車到尖東喎，不過月票就會加價，當然我唔會買通往尖東果隻票啦，因為加咗 $70 之後仲貴過我平時搭車，一ｄ都唔抵，所以都係買番之前果隻票就得喇 

囡囡一朝早就返咗港大開會，由九點開到二點，嘩 ~~ 咁咪同我星期日上堂差唔多，我都話可以走吓堂，囡囡響返工時間開既會就真係好難走 ga la，又冇得入去瞓覺，真係要好努力先得呀 ~~ 

咁快今個月又到咗最後一日喇，都幾好喎，因為就快又出糧喇，今個月唔係用咗好多錢喎，反而仲有進帳添，真係可喜可賀喇，分析準確係先決條件，防守都要有一手先得，總之出咗糧之後都可以去慶祝一吓喇 ... 

唉 ~~ 今朝又痾水喇，我終於知道係咩原因喇，因為之前兩次都係食咗同一樣嘢之後就痾水呀，就係 "維X" 鮮奶，真係唔好再飲喇，次次都半夜痛醒，跟住就痾喇，都幾辛苦呀，宜家個肚仲係唔舒服，希望一陣去多次廁所會好ｄ啦 

囡囡整咗炒烏冬食喎，好似幾好食咁，有機會一定要試吓先得，佢都好辛苦 ga，日頭要返工，夜晚又要煮嘢食，煮到周身大汗，所以做家庭主婦都唔簡單呀 ~~ 

股市好似真係想有ｄ調整喎，有幾個因素決定調整既程度同時間，我估仲未係時候，耐心等候吓啦 ~~ 

pet pet 有得釣魚仔 ~~  釣咗好多唔同種類既魚呀，不過最衰就係冇得將ｄ魚仔當禮物送俾人啦，同時亦都唔可以賣出去，所以都係唔釣咁多喇，費事冇地方放ｄ魚仔 

尋日我嬲咗狗仔成晚呀 ~~ 因為佢下午果陣嘈住我瞓覺囉，由我瞓覺果半個鐘開始就不停咁吠，完全冇得瞓囉，攪到開工都好攰，臨放工仲有少少頭痛添，所以要嬲佢，不過都係嬲咗佢一陣，睇睇吓電視佢都走上我大脾到坐，佢真係當冇事發生咁，我都幫佢掃吓毛，同佢玩番囉，始終狗仔都唔知發生咩事，嬲佢都係多餘既 

都唔知買咩牌子太陽眼鏡好 ?!  Rxy-ban 係好出名，不過唔值果個價錢囉，我買嘢要睇吓佢值唔值果個價囉，貴．．．不過值既，我都會買，希望有時間再睇多幾間先決定啦 

囡囡自己煮飯俾自己食，一個星期好快過姐，今日都星期三啦，過多幾日佢屋企人都返晒黎啦，時間會過得好快呀 ~~ 

尋晚食完飯終於落咗樓下做運動喇，唔係跑步，而係行吓姐，因為人一日要行八千步先算健康，我唔要求日日都行，不過慢慢黎啦，總有一日我會養成做運動依個習慣呀 ~~ 

依幾日睇緊ｄ太陽眼鏡，原來當中比較出名既係 Rxy-ban 依個牌子，不過我又唔係成日帶，再加上如果真係正貨要成千蚊一副 ga，一ｄ都唔值囉，我唔係一個名牌主義者，所以一副粗粗地而又型既超就 ok ga la，講真吖，我人生之中都未曾有過一副超，係唔係好 out 呢 ?! 

囡囡依排三餐都係一個人食，因為屋企人返咗上海，屋企淨番囡囡同佢父親，一個星期好快過姐．．．今日中午我都要一個人買飯盒食，事關母親大人同大佬會去屯門食壽司，唔知有冇我上次去元朗果間咁好食呢 ?! 

尋日瞓醒有少少頭痛，不過食咗兩個麥當當既包之後，再食粒止痛藥就冇咩事喇，跟住就去沙田上堂，堂書都講得幾好，係做學生果時都未聽過既，有用程度一半半啦，不過上完堂成個人都好攰，之後就出發去囡囡屋企喇 ~~ 

同囡囡食扒餐，都好好味呀，不過囡囡食完好似個胃唔舒服喎，不過佢又冇同我講尋日原本個胃有ｄ唔舒服，如果係咁都唔會食扒囉 

今朝有個女人黎話打完通經針果個位有紅腫，可能佢對果隻藥有敏感都唔出奇，尋日果個醫生都已經開咗ｄ藥俾佢 ga la，我叫佢再有唔舒服就直接去急症室 

今日心情好好咁喎，可能同聽日有假放有關啦，不過放假都係要上堂，返兩堂走一堂都唔係好過份姐，況且最後果堂都係費費地，自己返屋企睇番ｄ筆記都係一樣姐，當然最重要係約咗囡囡啦，仲要去据扒添，一於早ｄ走人先得 

今朝有架小巴撞車喎，果架車仲係我以前好鍾意由屋企返大學既小巴添，不過都知道好危險 ga la，因為司機成日都超速，所以有 "亡命小巴" 之稱，希望今次意外之後可以有一個警惕，唔好再有ｄ咁既意外發生啦 

囡囡尋日好夜先返屋企喎，因為佢約咗同事唱 K，同事們都話佢唱得好好聽，其實我都有同感呀，遲ｄ要再同佢唱多次 K 先得 

今朝早一開 Facxbook 見到一位同學仔買咗部新車，仲要係 BxW 白色跑車黎添，真係好羨慕佢呀，如果我都可以有番一部跑車就好喇，到時帶番副黑超，車住囡囡去玩樂．．．不過依ｄ都係諗吓好喇，我唔可以亂咁洗錢，將來有多餘錢先算啦 

今朝早個肚仔冇咩事喇，可能真係同前日下午食咗條辣腸仔有關，不過點都好，宜家心情真係好好呀，一來溫書進度良好，二來有錢錢賺，三來就快又出糧．．．總之好事連連啦 

囡囡屋企人今個星期日可能真係返上海喎，等我上完堂搵吓佢先得，方案有兩個：方案一，響沙田 food court 掃街；方案二，同囡囡響佢屋企附近食扒餐．．．諗起都好開心呀 

尋晚半夜同今朝又肚痛肚痾呀，可能同食嘢冇戒口所致，中午食辣腸，而夜晚又食橙同西瓜，再加一盒鮮奶添，終於攪到又肚痾喇，再食兩粒腸胃藥整整個肚，希望之後都冇咩事啦 

尋日有個男人爆血入黎睇醫生，一解開ｄ沙布就流血不止，成塊肉俾刀切咗，最後都係 send 佢去急症室止血，claim form 就之後先填啦 

近排好多男士熱愛o靚模，好多女士就會話果ｄ男士好傻，相反男士們亦覺得女士熱愛化妝品，鞋同手袋都係一樣咁傻，其實各人有各人既喜好，只要能力許可同唔好影響到其他人既大前提下，熱愛可以成為一種推動力，不過當然唔好太沉迷啦 

囡囡尋日全日做到冇停手，希望今日會有多ｄ時間休息啦 

今朝早日食喎，不過都冇時間睇，就算有時間都唔會睇，點解 ?! 一來唔覺得有咩好睇，二來冇特別既儀器直接望住個太陽係好危險，隨時盲咗對眼就大件事喇，所以都係不睇為妙呀 

尋日開始咗溫書大計喇，進展良好，今年讀既嘢比上一年易好多，冇咁多嘢要記，溫咗一日都已經溫咗個半月既嘢，仲要係一邊睇症一邊咁溫 ga wor，如果全日響屋企咁溫，我估一日可以溫到三個月既嘢都得，讀書唔係講聰唔聰明，最緊要都係方法要正確姐 

囡囡 post 咗我地ｄ相響 facebxxk 喎，全部都影得好靚，不過合照就唔係咁多囉，下次帶埋腳架去影多ｄ合照啦，仲要影埋間裝修得咁靚既屋，父親大人就最辛苦喇，要請佢食吓好嘢先得 

股票市場真係有機會再升喎，不過佢亦都有回落既可能，資金要好好利用，咁就令我響升市同跌市之中都咁開心啦 

嘩 ~~ 今朝早狂肚痾呀，攪咩鬼呀 ?!  又唔係亂咁食嘢吖，都唔知點解會痾得咁勁，痾晒ｄ水之後就真係好好多，不過以妨萬一都係食兩粒腸胃藥打吓底先，費事一陣一邊睇症一邊唔舒服啦 

尋晚放工之後去文具舖買咗一把開信刀，都唔係好貴 ja wor，好過響又X城買啦，又貴又唔靚，所以我成日都話買嘢唔好心急，要睇清楚諗清楚先好買，如果唔係就買咗貴嘢 ga la，現實正正如此，響投資市場一定要睇清睇楚，一時唔留意既話，投資變成投機，真係哭都無謂喇 

依兩日成日諗起同囡囡響星期日等食晚飯果時，大家響商場條欄杆前面等候果一幕喎，亦都係最開心既一個時刻之一，第二幕印象深刻既就係一邊睇人溜冰一邊同囡囡食鷄，哈哈，時間可以停留既話就真係好好喇 

依排響診所狂睇麵包卡通，真係好好睇呀，希望快ｄ睇到大結局啦