尋日睇咗 "巾幗X雄" 大結局，冇想像之中咁好睇囉，不過點都好，惡人有惡報依個係無記所有劇集既結局指定動作，因為如果唔係咁，一定俾人投訴，話教壞晒細路呀，所以通常大結局都係一般，追睇只係想了咗件心事，正所謂有始有終嘛 

依排額頭生咗一粒暗瘡，都幾核突吓 ga，仲要連口罩都遮唔晒囉，有個病人仲問我係唔係額頭生瘡添，唔係生瘡唔通俾人打咩，俾人取笑既感覺真係唔好受囉 

下個月差唔多個個星期日都有嘢做，上堂，父親節慶祝同傾朋友結婚既嘢，希望可以順利完成啦．．．話時話，今日下午 Yuki 姐會請我父母親大人飲茶茶喎，原本我都想去既，不過下午要返工就唔好喇，響屋企休息一吓仲好 

近依幾日響診所繼續睇埋 "龍XZ" 果個菲利既下場，返到屋企就追睇電視劇，再夜ｄ就睇埋 J2 台錄影好既"怪醫黑X黑"，囡囡有時問我點解咁忙囉，其實都係因為有嘢睇既原因囉 

尋日同屋企人行街買嘢食飯，狗仔 BoBo 都有份去 ga，佢可能太緊張囉，響架狗仔車上面痾咗一粒屎，哈哈．．．唔怪得知佢成日想爬出黎啦，原來有原因既 

尋日仲 "日x城" 買咗把座地風扇呀，都幾靚幾好用喎，主要諗住放響房入面 ga；之後就同父母親大人一齊出街食飯，其中一個餸只係賣 $3.8，又真係唔錯喎，其餘果ｄ餸都唔錯既，最好味就係果個冬瓜盅，我同母親大人都飲咗四碗，都幾好食囉，當然最後係我請啦 

囡囡尋日都係響屋企休息，hea 咗成日，又瞓吓覺仔，都好寫意喎，如果我地唔係住得太遠，我都會搵埋佢一齊出黎行吓呀 

尋日夜晚拆咗好耐之前砌好既模型車仔，之後砌過另一款車，前後都用咗成個幾鐘，真係好好玩，有時間真係要去模型舖買多幾盒玩先 

囡囡尋晚要我講一個故事俾佢聽喎，不過我仲未諗到今晚會講咩故仔喎，就等我講一個好咸濕既故仔俾佢聽啦，哈哈 ~~ 

聽日係紅日，我攞咗假期休息一吓，仲未諗到有咩做呀，約唔約囡囡都未知，今晚先再諗啦 

今日天雨陰陰，尋晚可能排住追睇 "龍X二世"，最後攪到成兩點先瞓，宜家就有少少攰喇，不過又真係好好睇喎，o岩o岩睇到 "菲利" 變咗第一次身，打到難分難解，好耐都冇追過咁過癮既卡通片喇 

今個星期會係 "巾幗X雄" 既大結局，星期五仲要做兩集添，一於早ｄ返屋企睇埋個結局先得 

囡囡尋日請咗一日病假之後，都冇咩事喇，可能真係唔夠瞓姐，希望佢冇咩嘢啦 

上網搵緊一ｄ模型舖，睇吓有冇一ｄ平價大陸版模型，因為之前架模型跑車真係好靚，好想要埋架軍艦同其他嘢，之後擺響渡假屋作展覽同擺設 

上星期六囡囡送俾我果對皮鞋入晒水呀，事關鞋底穿晒洞，其實對鞋買咗一年多幾個月 ja，而我又唔係成日行行企企，都唔知點解對歐洲嘢咁鬼化學既 ?!  宜家著番之前對舊鞋，Timbxxland 黑鞋都幾好著 ga，如果唔怕貴的話，當然 Claxks 皮鞋係好ｄ啦，對一個男人黎講，手錶要係勞，牛仔褲係 Levx's，皮鞋係 Claxks，底褲係 CK，T-shirt 係 Poxo/Nixe ．．．好可惜我唔好依ｄ嘢囉 

依幾日都落大雨呀，不過尋日同囡囡出街又唔係咁大雨喎，行吓 Sxgo，原來咁o岩係大減價，但係ｄ嘢唔係平囉，想買個鬚刨啦，點知一樣咁貴，一蚊都冇減過，真係可惡 

尋晚既晚餐係同囡囡加埋佢妹妹喎，食既係 "沙X王"，都好好味喎，其實今次食依間嘢最主要係慶祝囡囡妹妹考完會考呀，囡囡就請佢食飯囉，順便請埋我，哈哈，好著數呀 ~~ 

今日囡囡唔係好舒服，想請病假一日，可能尋晚飲得太多茶，加上食嘢好肥膩，尋晚佢成三點先瞓得到呀，希望佢冇咩嘢啦 

塊面既右邊又有一ｄ紅疹喇，之前果幾日一落雨已經有少少痕 ga la，可能都係皮膚敏感為主，宜家又冇痕冇痛，過一排應該冇咩事 ga la 

尋晚我大佬送咗一架積木車俾我呀，好開心，其實佢有三份禮物，俾咗我其中一份，我最鍾意玩依種類型既車 ga la，如果係正廠正貨一定好貴囉，大陸嘢都幾好喎，至少玩法一樣，開心程度又一樣，而價錢仲好平添，遲ｄ攞去渡假屋當裝飾擺設先得 

囡囡今日會著得好靚喎，因為佢今晚將會出席同事既結婚派對，希望佢玩得開心ｄ啦，而我今晚應該都會早ｄ返屋企休息，唔會出街玩喇，依排好似有少少唔舒服，成日頭痛，就好似尋日咁食咗三粒止頭痛藥，不過我估計應該唔係感冒既，只要休息多ｄ就冇事呀 

今日落雨天應該唔會有太多病人 ga la，可以好好地咁休息一吓，同埋有時間俾我追埋童年卡通片 "龍X二世"，果時我係一個小學生，宜家大學畢咗業仲做埋嘢添，不過精彩既卡通片其實冇分年齡，我會睇埋最精彩既一幕先會罷休，而依一幕就係．．．打 "菲利" 喇 

尋晚美股又急跌喇，都係為咗一ｄ好無謂既所為原因，不過第一富豪李生就警告股民要量力而為，宜家個市應該係得 14000 點，而宜家就高出咗 20%，佢都講得好o岩，如果熱錢一走，香港股市有機會響幾日之間跌成 2000 點，所以我都會好小心分析先入貨，希望可以賺到今年要交既稅啦   

囡囡尋日做嘢果時整親手指，仲流埋血添，好在唔係好嚴重姐，希望佢快ｄ好番，以後做嘢就真係要小心ｄ喇，千期唔好貪快，慢慢咁做，最多咪遲少少收工囉 

尋日食咗碗車仔麵，好好味呀，計吓計吓都有大半年冇食喇，今次食完冇肚痾喇喎，不過尋日都係口痕先食姐，都係母親大人既愛心午餐最好食 

尋日對面有三個小女孩偷嘢，果個阿叔最後都冇報警，不過就教訓咗佢地一輪，仲通知埋佢地屋企人，咁都好既，俾一個教訓佢地，希望第日大個咗會生性做人啦 

今朝早有黃雨警告喎，不過我起身一望，有陽光既 ?!  隨即天文台既黃雨警告亦取消咗，我諗都係過雲雨姐，好彩我返工一滴雨都冇，不過後面果條阿伯狂 sneezing，我都好驚被佢傳染，早知帶番個口罩，又或者走去另一到啦，可惜一切都黎得太遲，希望唔好生病啦 

依幾日都幾多人黎睇頭髮問題喎，有一個仲要開成半年藥，一盒幾佰又真係好易搵錢咁，星期六又約咗一個黎睇頭髮喇，哈哈，雖然ｄ錢唔係入我袋，不過眼見ｄ病人真係對隻藥咁有信心就真係幾開心既，不過最衰依隻藥既副作用係不舉同性慾下降吖，好多時病人一聽見有咁既副作用就未必想試隻藥，要多費一點唇舌千可以做成生意呀 

囡囡今日又要上去 QMH 既大樓做嘢喇，希望佢今日一切順利，早ｄ做晒ｄ嘢，可以早ｄ同同事講鬼故，又可以同我上網傾計啦 

囡囡話想年底同我影吓結婚相喎，佢好似好開心咁喎，話即刻要準備一吓，又話要搵吓資料咁，咁遲ｄ真係要結婚佢咪晚晚都瞓唔著覺，哈哈．．．笑吓佢先得 

早幾日買咗把風扇仔，點知用咗一次就因為唔記得關制而燒咗，響診所附近個商場見到有得賣喎，仲要平好多，即刻唔駛諗就買咗兩把，過多兩日，佢又減價，我見咁鬼抵咪又買多兩把囉，攞黎送俾人都好啦，宜家天氣咁鬼熱，買多幾把風扇仔都好 ga，因為隨時用得多會燒囉 

尋日股票獲利，都好開心呀，成個人鬆晒 

今日股市將會大升，又係贏大錢既時候喇 ~~ 

依兩日好熱呀，夜晚要開冷氣先瞓得好，狗仔就最開心喇，因為佢毛又多，又怕熱，一開冷氣即刻就入房嘆，要幫佢著番件衫仔囉，如果唔係佢會鼻塞 ga 

尋日成日都諗起星期日快樂既時光添，攪到全日都好開心，而尋日又唔算好忙，不過營業額就好多，一來有人打 Sa Sa 針，二來有兩個人黎睇頭髮問題，其中一個仲要成半年藥，嘩 ~~ 真係好豪呀