  |
  
|
今朝早個電視機冇話面喎，心知不妙之際，以為係電視機壞咗，又要俾幾千蚊買過一部添．．．點知睇真ｄ，原來用高清盒係睇到之前錄咗既節目喎，畫面仲好靚添，咁即係話唔係電視機問題啦，而係大廈天線既問題，一陣開我診所果個網上電視盒一睇就知喇 
尋日父親大人食飯果時成日都提起星期日響元朗食果條東星班，話又新鮮又好味又大條，好想再食喎，哈哈．．．父親大人真係好鍾意食魚 ga，如果優惠期未過，都想同父親大人再食多一次東星班呀，最緊要係父親大人開心 
囡囡今日好攰喎，不過佢尋晚已經瞓得好好喇喎，瞓咗成 8 個鐘，可能係個天氣太潮濕，個人都會攰ｄ呀，今晚早ｄ返屋企休息就可以喇 
個新既網上電視盒好好用呀，睇到電視之餘，又可以睇番屋企錄影咗既高清節目，有咗依個盒連渡假屋既高清盒都唔駛買喇，又可以慳番一筆，真係要多謝我大佬幫我買同埋 set 個盒呀 
尋日響渡假屋 hea 到下午先出街，之前我大佬黎同我 set 電腦同教我用相機影一ｄ高質數既相，跟住就出咗去元朗行街喇，響元朗等咗囡囡一陣，之後行吓"千X店"，買咗個保暖樽俾囡囡，係 "大象" 牌黎 ga，希望囡囡會好好咁用佢啦
尋晚原本諗住去 "新X" 打邊爐 ga，點知原來二送一優惠要晚上八點半之後先有喎，果時真係好失望呀，因為我地去到果時都只係六點鐘，咁咪要等成兩個半鐘，囡囡又住得遠，唔可以太夜同佢一齊食飯嘛，咁唯有照響番果間酒樓食晚飯啦．．．原來佢除咗打邊爐有優惠之外，食晚飯都有著數，就係 $88 一條兩斤重既東星班，真係好好食呀，加埋其他好多餸都只係 $6xx，響其他酒樓食一條東星班最少都要成七佰蚊啦，所以我見到大家都食得咁開心，自己都非常開心，再加上街外錢係要洗 ga la，幫助香港經濟呀嘛
食完晚飯之後，同囡囡一齊坐西鐵，當係陪吓佢囉，響車上面我地玩咗一樣嘢，哈哈 ．．．原來佢真係鍾意玩既 
突然響網上睇中一件家庭電器用品，用 cash dollars $130 就可以換到喇，係一個可以用黎蒸餸，打邊爐同埋炸嘢既電煱，原價成二佰幾蚊 ga，不過要問吓母親大人或者囡囡先得，因為佢地識得煮嘢食先知道個煱有冇用吖嘛，如果唔買，第日就要買一個電磁爐響渡假屋，不過我見今次只係用 cash dollars 黎換，唔駛俾現金咁著數咪考慮吓囉
決定咗聽日星期日先同屋企人加囡囡一齊去元朗打邊爐呀，一行六個人，只係俾三個人既錢，真係好抵呀，希望聽晚大家食得開心，諗住早ｄ去食，跟住我可能送囡囡一齊搭西鐵，等佢一路搭車都一路有我陪佢傾計呀，加上我搭車又唔駛錢，咁就真係一舉兩得喇
尋日響股市獲咗少少利，心情勁好，希望可以早日達成理想，經驗已經慢慢累積起黎，投資心得都愈黎愈好，加上基金同 MPF 都開始有ｄ回順，不過都係要好小心先得，行錯一步就會變成一隻大閘蟹 ga la 
上網睇電視個盒壞咗，我大佬即刻幫我買咗個新既盒喇，依個盒有相當多既新功能，例如錄影，高清電視等，好似仲話可以睇埋屋企錄影咗既節目添，不過價錢一ｄ都唔平，要成差唔多 $3000 呀，不過我覺得都係物有所值既，好過用三千幾蚊買一ｄ無謂嘢啦
尋日放工出咗旺角行街，買咗兩支筆，勁開心之餘又可以輕鬆一吓，成個人好似充滿電咁，今日可以繼續開工搵錢錢呀
個上網電視盒真係壞咗呀，第日都冇得上網睇電視喇，如果要買過個新盒又要成 2 千幾蚊，都係唔好住喇，況且宜家又有得睇番雜誌，響診所會充實好多
星期六約好屋企人去元朗打邊爐呀，囡囡因為要返工同埋怕太攰所以黎唔到，唔緊要啦，下次約過佢，果度打邊爐真係好抵呀，二送一呀，宜家暫時得五個人去，原本加埋囡囡六個人都係一樣價錢，大概 $35x，睇吓今日有冇錢贏，贏錢一於整隻象拔蚌黎打邊爐豪番一吓
今晚 "學警X擊" 大結局，一於早ｄ返屋企追劇先得，而響診所就聽番 Youtxbe 既軟硬整人熱線，真係笑到我肚痛，心情都變得好好呀 ~~
今朝起身果時發現好大雨呀，又行雷閃電，我仲以為黑色暴雨唔駛返工添，點知只係過雲雨，到我換好衫返工果時已經冇晒雨，連傘子都唔駛用，真係夠運喇
尋日勁頭痛，食咗藥都係差唔多，下午瞓一覺就好少少，再食多粒消炎藥又冇咩嘢喇喎，之後晚上同"囡"囡們打邊爐，好抵食呀，買一送一，5 個人都係 $350 ja，食到好飽咁返屋企
上網電視盒個火牛尋日突然燒咗喎，攪到響診所冇得睇電視呀，希望快ｄ配番個火牛啦 
父親大人有咗驗身報告喇，佢個肝酵素有少少高，今日安排咗要照超聲波，再抽多少少血睇吓係咩原因，都唔係好擔心既，不過真係好想父親大人健健康康呀 ~~ 
仲未買到塊相機保護貼呀，因為 size 唔o岩囉，價錢都要成差唔多 $50，其實都幾貴喎，下次出開旺角先買喇，一來平ｄ，二來又多ｄ選擇呀 
今日的天氣好悶熱呀，成個人都好攰，頭又有少少痛，不過尋晚都瞓得唔錯 ga wor，返到診所就舒服少少，因為有冷氣，再食一粒止痛藥，應該一陣就冇咩事掛 ?! 
尋日囡囡整午餐俾我食，當然好味道啦，之後睇吓電視同相片之後，我地就出發去打邊爐喇，原本諗住去屯門既，不過去旺角都係差唔多時間，再加上囡囡返屋企會方便一ｄ，所以就響旺角的 "X囍" 喇，佢係 "稻X" 集團黎呀，ｄ配料好新鮮，醬油又好好味，價錢都 ok 呀，仲要有一蚊一隻鷄，我同囡囡兩個人食唔晒，所以只係叫咗半隻鷄，價值 5 毫子，我食得好開心呀，不過囡囡就好快飽喎，哈哈．．．我食埋佢果份，總之多謝囡囡請我食依一餐，補祝我既生日啦
新果部相機真係好好用，影ｄ相都好好，今日有時間要過番ｄ相俾囡囡，等佢可以曬俾婆婆攞番鄉下都好吖
尋日放咗工之後就返屋企換衫，跟住就同父母親大人一齊去飲茶，大佬同 Yuki 亦都有加入；食完嘢之後就去公園影吓相，大佬果部相機真係超勁，淨係個鏡頭都已經成 $8000，因為個鏡頭又大又靚，影既相都特別靚，佢可能已經愛上咗攝影喇
影完相之後，同父母親大人上咗渡假屋清潔，順便收埋張大班椅，不過等咗好耐都未送黎，而且又約咗囡囡出去同佢的親戚食飯．所以最後都係等父母親大人幫我收果張椅囉 
囡囡的表姊住響葵涌，我響果度行咗一陣，發現果個商場都幾似我做嘢果個商場，之後再會合囡囡上佢表姊的屋企參觀，跟住就去酒樓食晚飯喇．．．佢地叫咗好多嘢食呀，多到要打包走，不過真係食得好開心，我自己都唔敢食得太多，怕會食膩咗，因為今晚相約囡囡去屯門打邊爐呀
