尋日阿太落黎派利是，金額好過上年好多，都算係咁 ga la，佢心情都幾靚喎，不過滿口裡都只係話要加價，又話早知年初四都一樣照加，因為屯門果邊加咗價的年初四都有勁多人，攪到阿太好心紅喇，佢睇錢都睇得幾重，其實學會放鬆做人先會有真正的快樂，所以我睇錢唔會睇得太重呀 ~~

今年有三個意外驚喜呀．．．第一係瑩瑩姑娘送咗一包澳門豬肉乾俾我，第二同第三係琪琪姑娘仲有敏敏姑娘俾咗兩份禮物同埋利是俾我，真係幾開心呀，不過o岩o岩又冇利是響身回禮，真係有ｄ唔係咁好意思呀，下次有機會一定補番俾佢地，希望佢地唔會怪我啦 

囡囡尋日去銀行搞定期款項，宜家銀行的定期利率真係低到冇人有，有錢都唔好擺響銀行，我成日都叫囡囡將ｄ錢擺響我度 ga la，利息又好，又有保障，不過佢話咁仲危險過銀行喎 

狗仔 Bo 個爛肚開始好番少少喇，隻藥膏應該係得 ge，不過要多少少時間黎殺菌，希望佢快ｄ好返啦，因為我地成家人都好擔心加關心佢呀 

依幾日返工都好攰喎，攰的意思係一朝早起身都仲未有 refresh 的感覺，響輕鐵上面要閉目養神，好在返埋今日同聽日又可以放假喇喎，到時真係要好好咁休息番吓先得 

響 Faxxbook 寫咗我的 "人生的 16 樣嘢"，由幼稚園寫到現在，雖然人生唔係好特別精彩，更加稱不上為傳奇的人生，不過響依二十多年的生涯裡，開心的時間總比苦惱多，我亦希望往後的日子都係開開心心，讓我將來可以寫我的 "人生 32 樣嘢" 同人分享啦 

囡囡尋日冇去拜年，乖乖咁留響屋企休息，佢的屋企人就全部出晒街拜年喇，哈哈 ... 不過因為佢阿叔仲未結婚，所以冇派利是，囡囡們勁失望囉，唔緊要啦，下年再黎我屋企攞多幾封利是仲開心啦 

狗仔 BoBo 個肚又開始發紅喇，令到我好擔心呀，希望佢快ｄ好番，跟住就可以同我一齊出街玩啦，佢個肚皮成日發炎都真係幾難搞，好返之後過幾個星期又紅番，唔通係件衫仔的邊整親佢個肚，真係要留意一吓先得 

尋日年初二返工又幾好喎，因為冇想像之中咁多人喎，不過就有相當唔錯的收入，可能因為加咗價的關係啦，都算係開心喎，因為一年之中最忙的日子就係宜家，辛苦過後就有好日子過喇 

囡囡原本話尋晚去睇煙花 ga，不過佢唔小心將我送俾佢果部新電話跌咗落地，雖然冇爛到，不過佢話冇心機去睇喎，希望下年同我一齊睇仲開心咁話，都好吖，尋日雨濕濕咁，人多車多，我都唔贊成佢去囉，萬一發生意外就慘喇 

尋日舅父黎我屋企拜年，不過狗仔就不停狂吠，攪到舅父都唔好意思，狗仔的領土意識真係好強，其他人又唔知佢內心其實好細膽，一路吠一路震個樣又真係幾可愛呀 

今年經濟真係幾差，剛剛大學畢業的學生就真係慘喇，變相有更加多拔尖生想讀醫科，雖然讀經濟的人收入係幾好，不過佢地的人工同就業會受其他因素影響，醫科係搵錢唔多，不過勝在夠穩定，好少會冇嘢做，因為就算冇嘢做，都可以做吓 locum 又或者自己開檔搵真銀，至少唔駛冇錢開飯囉 

星期六 (年二十九) 上咗渡假屋整部電腦，又攞少少日用品過去，紅酒櫃內一支支閃閃發光的紅酒真係好高貴，之後再清潔一番之後就搭車去屯門行街 shopping，雖然冇咩戰利品買到，不過行吓街個人都精神ｄ喎，其實如果真係要買嘢，新年後就應該係最抵最平呀，到時就可以真真正正咁 shopping．．．返多四日又可以放假喇，希望依幾日唔好咁多人啦 

星期日 (年三十晚) 都係留響屋企休息，幫母親大人整蘿蔔榚，睇吓電視又一日喇，之後知道囡囡原來都整咗蘿蔔榚喎，仲整得好好食添，不過如果再咸多少少仲好ｄ添 

尋日囡囡上黎拜年，食團年飯，食完之後同囡囡響新屋參觀一吓，之後就搭車去囡囡屋企拜年，佢婆婆o岩o岩響上海黎香港，有成九十歲喇，仲好精神添，真係好喇 

今朝有好多人黎睇醫生呀，好忙呀 ~~ 

嘩 ~~ 今日姑娘有得提早出糧過年喎，唔知醫生有冇份呢 ?!  我自己就冇咩所謂喎，反正都係用黎交稅姐，再加上我已經用信用卡交咗稅，而自己又唔係等錢用，係唔係提早出糧都真係冇咩所謂喇 

尋日仲未送紅酒黎喎，打去問話今日先有車送黎，都冇咩所謂 ge，因為又未俾錢，真係佢急我唔急呀，不過要父親大人響渡假屋等就真係唔好意思囉，因為佢話臨過年都有好多嘢做喎，清潔一吓地方啦，又要 paint 吓間屋，都真係會幾忙喎，我聽日開始都會放假喇，要幫屋企人執屋，尤其是醫學會真係超級唔環保，日日都寄埋ｄ垃圾醫生卡片俾我，堆積如山，最慘有埋我個名同地址，如果唔係都可以即刻放晒入垃圾筒呀 

囡囡今日臨放新年假之前都會好忙，之後放假亦都要陪o岩o岩由大陸落黎的婆婆遊玩，佢婆婆都成九十歲喇，健康亦都好好，今次黎香港三個月，希望佢地可以好好咁享受一吓今次的香港之旅啦 

今日紅酒就會送黎，父親大人響渡假屋收貨，合共十二支一箱，今個新年就可以用黎慶祝狂飲喇 

尋日攞咗一盒聖安X的黃金榚，唔知好唔好食呢 ?!     雖然唔係一ｄ好貴的嘢，不過唔駛錢的嘢緊係開心啦，過幾日整黎食先

尋日放工去咗買鷄食，不過要等成半個鐘先到我買呀，如果唔係為咗要飲埋淨番的紅酒，真係唔會同佢排隊咁傻呀 

囡囡尋晚又投訴話我太遲打俾佢喎，不過因為響屋企太多嘢做，又要睇電視，又要上網，又要同屋企人傾計，不過最重要都係要同 BoBo 狗仔談心，佢真係識聽人講嘢 ga，遲ｄ新年要帶佢出街玩先得，等佢唔駛成日響屋企咁悶呀嘛 

尋晚繼續飲埋淨番的紅酒，一邊食飯一邊飲，仲有麥鷄鷄當餸，都幾好食呀~~

父親大人今日開始正式放年假，今朝仲會同母親大人去尖沙咀睇醫生，我下午果餐都要出街食喇，不如食返星期日果間"敍X酒樓"的燒味飯啦，好好味 ga．．．今日搭車要小心ｄ，因為我果張全月通車票俾咗母親大人出尖沙咀，而我又慣咗唔拍卡就搭車，如果真係咁唔好彩俾人捉到的話，$290 就一定冇 ga la，錢就事少，冇面子就事大呀，因為要響月台左問右問，俾人眼望望真係好鬼瘀 ga 

依兩日成日同囡囡傾小朋友的嘢，佢好似幾鍾意小朋友喎，我自己都 ok ge，不過揍小朋友真係要用好多精力 ga，都係唔好諗住先 ~~ 

尋晚同"囡"囡打邊爐食飯，我帶咗支 Buxxman's Guxxy 紅酒去飲，可能我仲係飲紅酒的初哥，都未覺得好好飲，不過依隻酒已經係最易入口，最 fruity ga la，如果唔係都做唔到酒店 House Wine 啦，我已經響網上面訂多四支，再訂埋尖沙咀萬X酒店的 House wine - Froxxera Mexxot，仲有馬會會所專用紅酒 - Saxxa Hexxna cab. sau，總之慢慢要學會飲紅酒，要做一個"酒鬼"呀  

難得"劉傑"出席，嚴刑逼供之後，知道佢對錢財如無物，做人最緊要開心，其實有冇錢都唔係太緊要囉，況且宜家仲後生，錢幾時都可以搵得返呀 

尋晚冇打電話俾囡囡，希望佢唔會瞓唔著啦 ... keke ...

尋日過得好充實呀，同屋企人上去渡假屋，不過父親大人整緊嘢，沙塵滾滾，叫我地走先，咁o岩囡囡又黎到喇喎，咁咪行吓街先，仲買咗新年禮物俾佢地屋企人呀，係"東X紅" 的瑤柱同花姑，希望佢屋企人會開心啦 

行咗好多地方呀，好攰，響公園坐咗一陣，囡囡就將剛剛買俾佢的耳環攞出黎睇，不過後來發現耳環爛咗，要配返個嘢先得喇，一分錢一分貨的道理係正確的 

響渡假屋休息一會兒之後，就攞咗支紅酒去食晚飯，尋晚係慶祝父親大人 60 歲大壽，希望佢身體健康，開開心心啦．．．第一次去敍福食晚飯，又幾好喎，叫燒味就俾鷄同鵝脾，真係好正斗呀，其他嘢都一樣好好食，最後係我同大佬請父親大人，一家人開開心係最重要呀 

尋晚瞓得唔係幾好，因為個肚唔係好舒服，可能係尋日下午食咗少少辣嘢，去咗廁所又好咗少少，不過今朝又被一陣陣的肚痛整醒咗我，再去多一次廁所之後又好似冇咩事喎，而直至宜家都係覺得夠瞓喎，晏少少仲有一個人黎做保險的 body check-up，煩都煩死，以後都唔想做依ｄ無謂嘢呀，推得就推 

尋晚同囡囡傾咗好耐計，傾返好多以前的嘢，尤其是知道佢細個果時的嘢．．．講起細個的嘢，我自己唔算太乖，玩起上黎都好癲 ga，而讀小學果時父母親又攪一ｄ小生意，我地每到星期六日就會幫手，話就話幫手，其實係可以名正言順咁去機舖玩，果時ｄ機舖好大煙味 ga，又黑又暗，不過唔知點解都仲要去喎，好彩冇學壞 ja，得果 11-12 歲係好易學壞，入咗黑社會都唔好啦，總言之我的童年都幾開心呀，因為可以做好多其他小朋友做唔到的嘢