  |
  
|
尋日開工都唔知點解會咁喉沙，可能係之前果日響渡假屋唱歌所致，今日又好返少少喎，不過都係要食開聲藥同喉糖囉，宜家暫時都算 ok 啦，哈哈 
渡假屋的無線上網同隔離屋撞咗，攪到有時上到，有時又上唔到網，尋日我的大佬幫我整返好喇，不過佢都 check 咗好耐先知個原因，隔離屋果條友仔又真係幾白癡喎，揀埋同我屋企同一個 channel 黎上網，我上唔到網，佢都係上唔到姐，邊有人咁蠢寧願一齊上唔到網姐 ?! 我就話耐唔耐先上去玩吓，佢如果響度住而又日日都上唔到網，你都咪話唔傻囉 
好開心呀．．．今日係我同囡囡拍拖三周年紀念呀，希望大家都珍惜現在，雖然今晚各自各返屋企而冇特別的慶祝活動，不過我知道大家都係好開心呀，今晚早ｄ打電話俾佢補返數啦 
星期日同囡囡出咗去旺角買手提電話，作為佢的生日加聖誕禮物，佢緊係好開心啦，之後我地仲去"小X羊"打邊爐添，真係好開心呀；佢原本用開果部電話都係我三年前送俾佢 ga，其實都仲用得 ge，不過就唔係好新款囉，宜家都係時候換過部喇 
尋日就係囡囡生日的正日，我亦都攞咗假黎陪佢；我一早就起咗身喇，勁睇之前錄影咗的電視節目，睇完之後就去我大佬的新屋喇．．．佢o岩o岩買咗部豆漿機，整出黎的豆漿都好好飲喎，飲完之後都飽晒喇，咁囡囡又未到之際，我同咗我大佬一齊落去踏單車，真係好好玩呀，又刺激，因為都有兩年冇玩的關係，一開始都唔係太識玩，不過玩多一陣之後就冇晒問題喇，而母親大人因為怕跌到，玩咗一陣都唔 ok 之際就返番上屋企睇 "真情" 呀 
就響依個時候囡囡都到喇，約佢同我屋企人一齊去食上海嘢，當係下午茶囉，果間嘢仲有半價添，食咗鷄絲粉皮，兩碗麵，排骨等等，都只不過係百多蚊 ja wor，味道都幾好，有機會要試埋其他嘢呀 
同囡囡去咗渡假屋慶祝生日，聽歌，玩望遠鏡，仲要一齊食生日蛋糕添，我買定擺響雪櫃 ga，諗住俾囡囡一個驚喜，佢都好開心呀，又影咗好多相，希望佢有一個難忘的生日啦
送咗囡囡搭車之後，我就響渡假屋繼續玩喇，聽吓歌同睇吓電視，仲要開埋餐添，真係好開心，其實一個人咁享受生活都幾寫意呀 
今日仍然係 locum 日，返埋今日就可以正式放假喇，恭喜恭喜 ~~
前日開咗一支響超市買的紅酒，已經跟足晒指示去買 ga la，不過仍然係好難飲，星期日我諗要去紅油專門店問一問邊一隻紅酒的酒精成份冇咁高，又容易ｄ入口先得，唔好一飲就刺喉刺鼻呀
囡囡尋日落咗香港仔行街，佢就冇嘢買到，不過佢媽咪就買咗好多嘢喎，大部份都係一ｄ食得的嘢，遲ｄ佢地的婆婆會由大陸落黎香港一遊，話成九十幾歲人 ga la，一樣係好健康，香港的人都好少有咁大年紀 ga la，一來食物多油多脂肪啦，二來空氣污染都好嚴重，三來又成日唔做運動，四來好多人成日又煙又酒，咁唔健康的生活又點可以長命吖 ... 
尋日全日有好多病人呀，不過又唔係做得好辛苦喎，因為一隻一隻咁睇都幾 free 呀，而今日係 locum 日，人流唔係太多，不過依幾日做 locum 心情都係麻麻地，個個都有假放而自己就要連返幾日工，下個月唔理咁多 ga la，有假就一定會放，理得佢請唔請到人代診呀
同其他醫生果日傾開計，原來大家的諗法都好相似，例如唔鍾意 on-call 的生活；唔想太辛苦而唔做 locum，因為又唔係欠下債務；覺得醫院的人事關係太麻煩．．．都係 ga，做家庭醫生都幾寫意吖，至少唔會個心每日跳得勁快，又唔駛每日手震腳震咁，太緊張的生活都係唔o岩我 ga la 
今日係平安夜，亦係公司攪的聖誕聯歡的日子，不過聯歡會係響中午舉行，食完嘢，抽埋獎之後仲要返診所開工，唔知會抽到ｄ咩好的禮物呢 ?? 
我大佬今日約咗牙醫剝智慧齒，聽聞有八折呀，睇吓剝得好唔好同埋睇吓要幾耐先可以康復囉，我靠把口搵食，我諗一定要請假先可以剝咗果隻打橫瞓響度的智慧齒呀
囡囡尋日 first in 咗 HKU 份工，話仲有 second in，下次就係 in 大老細，因為係佢俾錢喎，人工同宜家依度差唔多，不過返工就只需要半個鐘，慳返好多時間同車錢就係好好啦，人工夠用就可以喇，希望佢可以一切順順利利，我又繼續努力工作，咁大家的願望就會好快發生 ga la
今日天氣好凍呀，得 12 度 ja，新界地區仲要得返 10 度，不過好彩診所入面又唔係好凍喎，連西裝褸都唔駛著，所以今個冬天都唔駛太擔心呀
尋日下午放假，買咗 KFC 返屋企食，食完就出發去沙田攞埋個 DFM diploma，跟住就入大埔行吓，點鬼知真係失望而回，一來我行行吓迷失咗路啦，二來又搭錯咗車喎，都唔知去咗邊，搭返車出黎之後，再嘗試搭第二架車，上車前問司機經唔經 "XX街" ga，佢話經，點知又唔提我落車，去到總站先知，唉．．．早知搭的士仲好啦，攪到好夜呀，趕唔切去"囡"囡約會，最慘好似有人唔多信我搭錯車去錯地方而趕唔切黎囉，只好講聲 "唔好意思，下次再約過啦..." 
囡囡今日下午會見一份 HKU 的工，希望一切順利啦，如果見得成，佢返工就好方便喇，我都會為佢而高興
星期參加咗 Joanna 的婚姻，感覺都幾好喎，影吓相，食吓嘢，聽吓歌同埋同其他人傾吓計，好快就過咗好開心的一晚喇，囡囡都有去呀，佢都話好好喎，仲要係飲咗好多紅酒添，真係幾好飲喎，可能我自此會愛上咗飲紅酒呀 ~~
尋日囡囡送咗聖誕禮物俾我喇，係一副望遠鏡，真係多謝佢喇，因為我真係好想要一副專業的望遠鏡 ga，攪到宜家都好開心添
尋晚上咗囡囡屋企食飯做冬，佢媽咪煮的嘢都好好味呀，之後又同佢屋企人一齊玩 UNO，又幫佢 Daddy 打流感針，跟住就返屋企喇
今日下午放假，順便去沙田攞埋個 DFM 文憑，今晚仲約埋"囡"囡食飯添
