今日心情都幾好，因為已經冇再流鼻水喇，可惜個喉嚨有少少沙聲啦，如果唔係心情可能更加好囉，再加上囡囡又冇咩投訴，又冇咩唔舒服，而我又冇咩需要擔心，人工又就快出，樣樣嘢加起黎就係好開心呀 
人生可以開開心心地生活係一種福氣，正正宜家的生活真係一ｄ壓力都冇，唔駛 call，唔駛擔心俾上司鬧 (因為響診所裡面我就係上司喇)，唔駛驚做錯嘢俾人 call 返上 ward 鬧，放工就係放工，都幾爽 ga 
| 27th Nov 2008 |
一般 | (75 Reads)
尋日阿太打咗黎兩次搵我，傾續約的問題，真係俾佢煩到抽晒肋，我要有勇氣地堅持，雖然俾阿太 "鵝" 咗一輪，知道加人工一定不太如意，可能經濟差的原因啦，點都好，同 Kelvin 傾一傾之後再作打算 
今日下午又有餐眾，由於有少少感冒的關係，今日都係疊埋一二邊仲好喇，宜家喉嚨已經冇痛喇，只係有少少癢，鼻就有少少塞，不過都好得七七八八喇，可以放心 
囡囡今日放工之後會同一個中一的學生補習，補中史同科學，我冇嘢驚呀，只係驚囡囡太辛苦呀，希望佢可以應付得黎啦，如果唔係太等錢洗，我建議不如休息一吓，唔好令自己太辛苦啦 
| 25th Nov 2008 |
一般 | (113 Reads)
尋日下午開始喉嚨有少少唔舒服，到咗夜晚情況更差，臨瞓之前食咗粒 Arcoxia 120 mg，不過半夜都係感覺到有少少痛 (平時喉嚨痛一食 Arcoxia 就完全冇痛)，咁即係話今次的喉嚨痛非同小可，所以一朝早即刻食埋 Amoxil 囉，雖知 Amoxil 未必有用，不過唔食總係唔放心咁，希望今次淨係得喉嚨痛啦，唔好又鼻水又咳就好喇，最驚就係沙埋把聲，咁就真係唔駛開工喇
囡囡尋日下午搵唔到我，佢話好擔心喎，我只係太忙而冇開 MSN 姐，唔駛擔心，因為一返到診所已經有四五個病人等緊我返黎，咁不如睇埋佢地先開電腦啦，點知睇完一個又入一個，最後攪到成差唔多七點先有時間上網，真係忙到傻咗 
| 24th Nov 2008 |
一般 | (72 Reads)
放咗兩日假期，買咗好多嘢呀，兩日加起黎用咗四千幾蚊呀，買咗一ｄ玻璃擺設，地毯，油畫，牛仔褲，茶几，櫃物櫃同埋水晶餐酒杯．．．真係冇諗過會用咗咁多錢，宜家要努力返工做嘢，如果唔係真係冇錢 ga la
依兩日最後都係冇同囡囡響科大影畢業相呀，由於時間夾唔到同地方遙遠的關係，佢淨係同佢的朋友仔影咗 ja，仲送埋一ｄ好靚的毛巾花俾囡囡添，又真係幾靚喎，其實佢都幾幸福吖，有咁多人錫佢，真係令人羡慕喇 
同囡囡行 Sogo，因為有 sale，不過又唔係真係想像中咁平囉，都係得個行字，當然最後果對水晶餐酒杯都係響裡面買啦，好靚 ga，飲紅酒就真係一流喇
| 21st Nov 2008 |
一般 | (69 Reads)
美股繼續急跌，又要繼續做隻閘蟹喇
尋日去咗劉太的生日聚會，食的嘢同星期二完全一樣，已經冇咗一種興奮的感覺喇，不過味道仍然係好好味．．．劉太心情都幾好喎，不過今年就冇利是收喇，而寫字樓亦冇安排買禮物，咁即係醫生們都唔需要出錢買禮物啦，唔通經濟差真係會影響購物的意欲 ?! 
上網睇到元朗有一間賣畫同畫框的地方，諗住都要親身到元朗一行，睇一睇ｄ畫框，上網 send 咗個 email 俾佢地 ga la，問一問要幾多錢囉，表起我張名畫響渡假屋裡面，諗起都好開心呀
囡囡尋晚好攰喎，我同佢傾咗唔係好耐囉，今晚睇吓有冇時間傾耐ｄ啦
| 19th Nov 2008 |
一般 | (47 Reads)
尋日下午去稻香食飯，好好味呀，有好多好嘢食，今次係食咗咁多次之中最好食的頭一二位呀，不過堂書就真係悶咗ｄ，講美容講激光，我都唔理佢咁多一味狂食，哈哈，真係好開心呀．．．食食吓，電話一響，原來已經入咗貨，再過一陣，電話又響，今之係母親大人打俾我，講俾我知股市跌咗好多，叫我如果可以的話快ｄ返診所準備，點都好啦，尋晚美股升，今日我一定要放晒尋日買的股，獲利即走，因為今晚美股一定有回套呀 
今日涼返好多，所以著咗件囡囡送俾我的羊毛背心，好暖呀，真係好開心呀，聽日可能仲會再凍ｄ，真係要小心著涼呀
囡囡擔心我會去外國讀書喎，唔駛擔心喎，因為就算去都係好快返番黎呀，更何況香港都好似有得考，再加上我又仲未報名，唔好為咗一ｄ小事而唔開心啦
