嘩．．．依幾日股市大上大落，真係好恐怖呀，大戶操控成個市場係人都知，不過估唔到的係佢地可以操控得咁離譜姐，都唔理得咁多喇，有錢就賺，冇錢就走，宜家都係唔好玩住，等下一個機會來臨先得 

尋日又冇咩心情溫書，結果全日都冇掂過份 notes，有少少內疚添，今日一定要補返數，況且我今日唔駛睇住個市，因為已經獲利走咗人喇 

等出糧等到頸都長喇，下個星期仲要係星期五先入數，咁即係再下個星期一的下午先用到筆錢，真係太耐喇，冇計啦，唯有等吓啦，宜家又唔係等錢洗 

囡囡扭計話我仲咩唔寫佢響我個 blog 裡面喎，哈哈，我每日都應該至少有一兩句有寫佢的嘢 ga，囡囡成日好多胃氣，胃口又唔好喎，佢擔心有厭食症，我個心一諗，如果佢有，我一定係第一個人知道啦，佢唔好忘記我係做邊一行先得 ga，如果真係有厭食症，我第一個人迫妳去睇醫生呀，真係可以放心喎 

今日可以早走返屋企休息一吓，事關 office 有個 talk 俾姑娘，佢地一點半要去到，咁即係一點就要 cut 症，我宜家諗緊一陣行吓街定係即刻返屋企好囉，如果行街就可以去元朗玩，如果返屋企就早ｄ食嘢同瞓覺，都係響依幾個鐘頭諗一諗先 

睇報紙話金融海潚會令診所生意額大跌，有ｄ診所仲會減價添，唔係掛，咁我咪有機會減人工 ?!  不過應該唔會咁快影響到我的，不過再過一年之後就唔敢講喇 

尋日港股急升，一升就千五點，大上大落的股市亦令我的身家有好大波動，唔好講話股票投資啦，連 MPF 同基金都係出現赤字，無他的，等個海嘯走咗之後再作打算啦 

依幾日勁響診所讀書，因為實在太悶喇，搵ｄ嘢做吓咁囉，原本都諗住睇吓卡通片的，不過考試將近，都係唔好睇咁多電視呀 

囡囡近日胃氣已經冇咁多喇，胃口亦好返ｄ，希望佢要小心飲食啦，唔好食埋ｄ炸嘢同油膩嘢呀，咁個腸胃就會好 ga la 

今日心情都唔錯喎，可能冇俾其他嘢影響到啦，雖然股市尋日勁跌，一跌就跌咗一千六百幾點，宜家 HSI 只有一千一百幾點 ja，不過有危亦有機，只要識得運用時勢，其實都唔難發達 ge 

星期四又有一個宴會喇，不過我唔想去，所以推咗喇，事關都冇咩心情去應酬，一來依排個人好攰啦，二來又未簽約，都費事去到聽埋ｄ無謂嘢，不如早ｄ返屋企休息一吓仲好啦 

響 MSN 搵返中學時代一位好好傾的女同學，計吓計吓，都有成十二三年冇見喇，果時讀中二，成日同佢上堂傾計唔聽書，佢係一個好好傾的人黎 ga，宜家性格上有冇變就真係唔知喇，希望第日有機會一齊食餐飯，談天說地都好啦 

囡囡聽日又要 present 喇，今之係俾佢老細迫的，事關有個 seminar 響聽日舉行囉，不過真係話時話，點解咁多人唔揀，偏偏會揀到佢黎 present 呢 ?  唔通囡囡口才真係好了得 ? 

尋日囡囡入黎元朗玩，不過佢個胃仔又係有ｄ唔舒服，搭完長途車之後仲有少少暈添，不過休息一會兒之後又好少少，真係令我擔心不已．．．

我同屋企人一早就已經入咗元朗喇，攞咗位飲茶，囡囡之後黎到，響酒樓同屋企人會合之後，一邊食嘢，一邊傾吓計，都真係好寫意呀，最後囡囡請我地一家人添，真係多謝晒呀 

飲完茶之後，見到街邊有一檔賣花的地方，可以用又平又靚黎形容，又唔駛淋水又唔駛施肥，買咗好多花都只不過係三十幾蚊，比起之前睇果度一支花都成二十幾蚊又真係平好多喎，哈哈，依ｄ師奶嘢真係女人叻ｄ喇 

買完花之後就係睇燈飾喇，因為我都已經落過元朗好多次睇燈飾，所以都知道邊兩間嘢係最平最抵囉，不過最後發現佢地原來係同一間，同一個老闆囉，我唔敢講我買的燈飾係最平最靚，不過都係唔錯囉，因為我真係行晒港九新界，市區的一般都係貴一ｄ，元朗的就比較 ok 少少囉，減價，再減，再送兩盞房燈，又再送慳電膽，又再減多次價，全靠囡囡同父母親大人呀，因為我講價唔係好叻，今次一行真係慳返唔少，雖然都用咗唔少錢，不過只要大家一家人開開心心，個個身體都健康，用幾多錢都係值得呀 

囡囡返到渡假屋，休息一會，原本想同佢一齊食飯，不過佢話胃口一般同埋好攰，想早ｄ返屋企，返到屋企先食飯喎，咁我當然好尊重佢啦，仲要臨走幫佢追車仔，想佢好好地咁快ｄ返到屋企休息呀 

股市跌到去萬二點，真係好吸引呀，一於趁低買返少少平貨，股市依家嘢有跌實有升，我的資金又冇急事要用，擺返佢幾年，到時就係割禾的時候喇，中資股尤其抵買，等我出糧果時再入貨先 

不過跌市期間最緊要係心理上守得到，唔好因為跌市而唔開心，相反，跌市期間我地依ｄ小市民要盡公民責任，慳多ｄ錢黎入市救亡，雖知宜家依個市係一個無底深潭，不過我唔怕犧牲，一有錢就要買多少平貨托市就o岩喇 

合約一事停步不前，已經作出準備．．．走人，冇咗我依一間舖一定做唔住，就算請過另外一個醫生黎坐都冇用，因為大部份的病人都係要黎睇返我，我一走，依間嘢一定執笠 

今早有一個阿媽帶住佢個女黎睇醫生，佢個小朋友咳咗好耐，講吓講吓愈講愈燥，一尾響到鬧，我好心叫佢如果真係咳咁耐又咁擔心，佢可以睇一個兒科專科睇吓有冇其他問題姐，佢阿媽就不停鬧我喎，佢都真係癡癡地，氣管的咳都話咗會咳耐少少 ga la，短則一個星期，長則真係可以一兩個月，如果對我冇信心，我建議佢睇另一位醫生又或者係兒科醫生問多一個意見，出於好心 ja ma，真係估唔到晨早俾人鬧咗一餐，仲要係我地做醫生依一行唔可以同病人嘈，唯有當冇事發生繼續睇症啦 

尋日屋企用開果個百X牌鬚刨突然出現一ｄ怪聲，原來裡面有一件零件鬆咗，我睇個鬚刨都用唔得幾耐，可能要提早用我果個新鬚刨呀，不過都係用到佢完全爛咗先換喇，同埋爛咗之後可以用黎幫狗仔剃腳底毛添 

囡囡星期六會同人食飯，唔知佢會同咩人去食呢 ?  聽講話要去食貴嘢喎，希望佢地都食得開心啦 

今朝早好忙，好多人黎睇醫生，冇咩心機打 blog，再加上以為今日開市會升，點鬼知佢仲要跌，心情就更加差喇 

尋日阿太突然落黎診所，話要睇吓 DD 藥，都好喎，因為如果唔o岩數就麻煩喇，影響醫生同公司的聲譽就唔好啦 

依一兩日心情都係麻麻地，可能由於股市連續第二日急跌的原因啦，攪到預期星期日買水晶燈的心情都減卻了不少，始終眼見自己辛苦搵黎的錢日日不停咁蒸發，都唔係一件好受的事黎囉 

囡囡心情亦不佳，因為佢宜家教緊一個腦轉數極慢的人，果位女士仲要係一位大陸醫生，黎到香港考埋 PhD 添 ga wor，不過可能過唔到香港的 licenciate exam，冇得響香港行醫，囡囡要用好多心機黎教佢，不過佢仍然唔明一ｄ好簡單的道理，激親囡囡喇，俾我就做完晒自己嘢，真係好得閑先會教佢嘢囉，真係唔會同佢勞氣 

診所冷氣整返好喇，不過都係冇之前咁涼，師傅話要換埋個溫度制先可以 run 最涼的 mode 喎，是但啦，唔好好似之前咁冇冷氣就得喇 

依排都有好多嘢忙緊，冇咩時間理阿太一事喇 

囡囡嘴唇好似好返好多喇喎，希望佢下次小心 d 啦，唔好再整親喇 

診所真係太熱喇，響屋企攞咗把風扇返黎涼，宜家先叫做涼少少 ja 

樓下診所今日整冷氣，希望快ｄ輪到我地整部冷氣啦 

囡囡尋晚食蝦整親個下唇，腫到好似條臘腸喎，真係可憐喇