話咁快今日已經係七月的最後一日，返多七日之後就係等咗成個月的出糧日喇，要繼續努力ｄ先得喇，因為狗細老婆嫩，唔搵多兩個錢真係應付唔到高通漲帶黎的沉重壓力呀 

尋日落咗元朗玩，之後食咗個麥記先返工，事關母親大人要出尖沙咀攞膽固醇藥，唔得閑煮愛心午餐俾我食，食咗個 Big Mac 套餐，份量就夠喇，不過可能唔係咁多人食依個餐，個大包包唔係好夠熱囉，不過薯條就好好食，應該係o岩o岩炸好 ga，總括而言，果間嘢都不過不失呀 

診所的生意漸有喜色，希望一直都可以 keep 得到啦，不過新診所一定要守住先 ga la，要等ｄ熟客慢慢習慣上黎睇返我，又要等人知道我地改咗名，我諗時間係可以證明我的努力係冇白費呀，八月淡季好快就會黎，捱得過依個月就應該冇咩問題 ga la 

今日母親大人會出尖沙咀攞藥，而我就會出街食飯，今日應該都係冇得瞓覺覺豬 ga la，因為依排劉太真係會隨時落黎，要早ｄ返診所先得囉，如果唔係就會問醫生響邊度 ga la 

囡囡真係好返八九成喇喎，我成個人都鬆晒，因為佢病咗我都好唔開心 ga，一來冇得見面，二來之前聽見佢把聲就心痛喇，好彩宜家有返把靚聲，都係果句．．．希望佢快ｄ可以好返啦 

囡囡好返好多喇，咁我就放心晒，不過千期唔好掉以輕心，因為宜家個抵抗力仲係好弱，隨時一個唔小心又會病返 ga la 

咁快又一個月喇，一到月尾，當然係諗出糧啦，由於有好多嘢要買，所以賺返黎的一分一毫對我黎講都非常重要，儲錢計劃又一再要延遲，遲ｄ仲要儲錢交稅，因為今年要交的稅都幾和味，費事好似上年咁差ｄ要問人借錢交稅啦 

尋日有兩位師傅上黎我屋企度呎，希望佢地可以攪得妥妥當當啦，唔想一整再整ｄ嘢 

囡囡病咗，令到我的心情都唔係咁好，佢尋晚仲發埋燒添呀，真係攪到我好擔心佢呀，叫咗佢今日一定要睇醫生，真係希望佢可以快ｄ好返啦，因為我地今個星期已經冇見面喇 

尋日同屋企人飲茶茶，星期日好貴呀，不過大家開心就得啦，我都好樂意請父母親大人呀    食完嘢之後就去度呎整果張床，之後就出發去屯門 shopping 喇，攪咗全日，真係好攰呀，返到屋企休息吓就瞓覺覺豬喇 

心情低落的日子唔知幾時先會過去，近日部手提電腦又中埋病毒，令我的心情更加雪上加霜，希望日子快ｄ過去，有人工加的時候就係我可以開心的時候喇 

囡囡依幾日病咗，食咗藥好少少，希望佢多加休息啦，我知道有病係會好辛苦 ga la，不過我係會支持妳 ga，食咗我俾妳ｄ藥就好快好返 ga la，囡囡加油呀 ~~

今日真係有好多嘢都壞咗，第一，係部手提電腦，自己尋日手多多 delete 咗一個 windows 的一個好緊要的 file，攪到今日開唔到機，真係慘喇，結果睇吓八掛雜誌同埋買咗份報紙睇過日晨，都唔錯 ge，上午的時間好快就過咗，食飯時間俾我大佬整返好部電腦，宜家有得用喇 

第二件事係我個 stethoscope 爛咗喇，爛的形式同劉醫生一樣，其實係佢裡面果條彈弓斷咗，好彩我屋企有另外一個 stethoscope ja，如果唔係又要洗成千元買過個喇，幸好宜家咩都 settle 好晒，有 stetho. 有電腦用，真係好開心呀 ~~ 

聽日好似話阿太會落黎新診所喎，咁就要準時ｄ喇，如果唔係又俾佢煩我，遲ｄ如果生意好返ｄ先同佢傾合約，預咗唔會加得好多 ga la，只要唔駛山長水遠去第二區工作同埋有得瞓吓晏瞓就得 ga la 

今日診所黎咗個新的實習姑娘，佢好似有少少問題，所以寫字樓一早通知我話佢有少少溝通上的問題，原來係真的，佢仲會留響我地診所直到下個星期五，希望依段時間一切順順利利啦，佢做實習姑娘原來係俾咗 6 千幾元讀證書果班人，不過 6 千幾元就真係太貴喇 

尋晚唔係瞓得好好，可能因為壓力太大所致，希望遲ｄ會好返ｄ啦，不過本人所需要的係時間，時間會令我習慣，習慣咗之後就會冇事 ga la 

囡囡好似差唔多完成佢的碩士畢業的 thesis 喎，咁就好喇，宜家等佢八月 present 埋就可以輕輕鬆鬆咁去玩喇，希望佢一切順利，繼續為佢用黎 present 的 powerpoint 而努力啦 

依排心情唔係咁好，煩的都係診所的事，不安的都係人工加多少的憂心，生意額少咗，即係冇之事咁辛苦同咁忙，本應係一件好事，不過如果老闆的盈利亦都少咗，診所的將來就係一個擔心，人工自然唔會加好多，最後診所做唔住，就可能要去第二度繼續睇症，諗起都唔開心喇 

決定要訂造張床同張床褥喇，不過最頭痛都係張床褥的問題，因為需要切割的技術，所以唔係隻隻牌子都可以買得到，宜家淨係知海X 有訂造服務，其實想買金美X ga，不過一來都幾貴，二來又未問到有冇訂造服務，等我依幾日打電話問清楚先得 

尋日 Klevin 搵過我，順便參觀埋我宜家的新舖，再同我講一講我下次果份合約的市價，我覺得返的時間同日數都算 ok，只要人工有我心目中的水平，我就一定會留低，由於七月八月都係診所的淡季，而九月就有多ｄ人黎睇醫生，所以十月頭或中同阿太傾合約就最好不過喇，如果九月的業績理想，我可能會進取ｄ叫價，加上果時又有個 DFM diploma，通漲又咁鬼犀利，加多ｄ人工係抵抗通漲的唯一辦法，唔止係人工啦，其實宜家我診所的藥費都加得好驚人，打針加 $50，五日抗生素都要加 $70-80，有ｄ仲要加成 $110，真係睇一睇醫生都幾貴呀 ~~

星期日有好多嘢做，要買月票，要睇床褥，由於屯門都有一間分店，星期日可能要去屯門一次，到時睇吓母親大人又或者囡囡得唔得閑同我一齊睇一齊揀喇 

近排生意額都還可以，希望一切保持穩定 ...

尋日同囡囡出街之前，去咗工作地方的附近剪咗個靚髮，又平又好，不過就要等咗 15 分鐘，返到屋企就沖番個靚涼，睇埋"更上一層X" 之後，就去同囡囡出街玩喇，不過由於尋日真係好攰，一上到車就差唔多瞓著咗，連之後上車坐我隔離果個人係男定係女都唔知，一起身都已經響旺角，打個電話俾囡囡，定好地點後十分鐘就已經可以見到面，大家都好掛住對方喎，可能真係成個星期冇見的關係啦，睇真ｄ，囡囡又好似比之前靚咗少少喎，唔係賣花讚花香 ga，hehe ... 

同囡囡行街，買咗少少禮物俾佢，希望佢o岩用啦，自己就買咗ｄ門貼返公司用，都唔平喎，成 $12 一個，買咗兩個，一個"推"，一個"拉"，如果要等寫字樓 send 落黎都唔知要幾時先有，倒不如我自己出錢買仲好 

尋日又同囡囡去食米線，仲要係坐埋同一邊一齊食，哈哈，感覺良好，我諗囡囡都係好開心呀，不過見面的時間真係太短喇，下次都係早ｄ見面，唔駛大家咁"吊隱" 吖嘛