尋日的節目相當充實，咁就要由起床開始講起喇．．．

一起床，當然就係睇報紙同睇電視啦，食埋個早餐之後就睇咗一陣室內設計的雜誌，睇到攰就同母親大人去行街，睇傢俬同電器，不過都冇合適的心水，再之後當然係視察環境啦，跟住就出發同囡囡相見喇 

未見到之前，自己一個人行行街，行到入創X，原來地下已經改建成遊戲機中心，都幾好喎，以後等人都可以去果度打吓機呀，等咗一陣之後，囡囡就出現，跟住我同佢就去食鷄鷄餐，食完之後就休息一吓，跟住就要分開喇，因為我尋日約咗人到屯門食飯，五點半就要走喇，囡囡仲送我去搭車添 

仲有呀．．．囡囡好鍾意我買俾佢果個袋呀，希望佢有時間就多ｄ用啦 

搭西鐵好快就去到屯門，比預期早咗三十分鐘就到，行吓街先，未有嘢睇o岩，不過就算要買嘢都唔會響屯門買囉；時間一到，人又齊，開始搵食，之前攞的票全部過晒，過咗一個 ja wor，都唔得喎 ?!  咁大牌 ?!  唔食依間喇，食第二間仲好啦；等咗唔係好耐，入到去當然係一邊食嘢，一邊吹水啦，好快咁就十點喇，節目完成，返屋企休息 

父親大人放假四日，不過都係要勞動一番，真係唔好太辛苦啦，返屋企休息半日都好吖，睇見都心痛，希望快ｄ將事情完成，咁就真係放心喇 

尋日放工買咗個手袋俾囡囡，因為我見到個袋好靚，黑色底色，有一ｄ閃閃星星響個袋上面，我覺得好高貴大方之餘，價錢亦都好合理，希望囡囡見到會鍾意啦，事實上，我真係好少好少單獨出街買女仔嘢送俾人 ga，通常都係帶埋囡囡去睇去揀，不過有人話男人應該有時要俾ｄ驚喜女仔喎，咁就得喇，今次就係一個驚喜喇 

下星期二有半日假放，要去吓 shopping 喇，因為好耐都冇買過ｄ好嘢，今年辛苦咗半年喇，仲有之後的半年就響依間公司做咗兩年喇，其間當然有得有失啦，你問我開唔開心 ?!  我會答: 總比醫院開心；你問我有冇後悔 ?! 我會答: 暫時未有後悔；你問我會做幾耐 ?! 我會答: 做到我覺得夠，覺得悶的時候囉．．．其實有邊個真係想一世打人工吖，有得發圍的緊係想自己做老闆啦，好可惜尋晚的六合彩又唔聽話，如果唔係就唔駛咁苦惱啦，如果真係可以做老闆的話，我會開診所之餘，都會攪吓其他嘢，飲食，美容等等，希望快ｄ可以成事，咁就真係好開心喇 

今日冇咁大雨喇，不過仍然好唔鍾意天雨濕濕的感覺，希望可以快ｄ見到天晴的日子啦 

星期日約咗 Eric 食晚飯，如果佢唔帶佢女朋友黎的話，囡囡都話唔阻我地喎，不過之前就話一定要見我喎，都係ｇａ，一個星期見得一次，唔怪得佢成日話 "唔見唔得" 啦 

今個月生意淡靜，肯定唔夠數啦，我冇嘢好驚，最驚俾人嘈，俾人煩，再加上如果要加人工加得多，生意額一定要有咁上下，壓力好大 ga 

今朝早仍然落大雨，仲有埋紅色暴雨警告添，不過仍然係要返工，好在今日唔駛再上堂喇，如果唔係一定變咗做落湯鷄 ga la 

尋晚食 Pizza，又真係食得好鬼滿足喎，今次個肚腩仔又有進帳喇，唔得，我要做運動減肥，我要食少ｄ嘢，我要同肚腩仔講 bye bye 

每逢星期四的上午都唔知點解會咁多人黎睇醫生 ga wor，好在今日唔駛趕住食早餐，一於慢慢睇，唔駛急，咁我仲自在啦 

今朝早八號風球，放咗大部份時間的假，返到診所都已經一點十五分喇，睇幾個症就可以收工，下午生意都係好淡，夜晚仲要有劉醫生請食 Pizza Hut，今日真係幾爽呀 ~~

仲有一個星期多ｄ就出糧喇，真係好好好等錢用呀 ... 尋晚仲諗住可以中咗六合彩果三千幾萬，跟住就可以唔駛做，點知都係失望的多啦，不過原來頭獎冇人中喎，下期如果一票獨得將會有成四千幾萬呀，星期五攪珠，我的"有錢佬"生活就由星期五開始啦 ~~

人生之中可以令我真真正正開心的事唔係好多，可能因為讀書都用咗我唔少時間，而我讀書又比人地辛苦，宜家做嘢喇，都係要為將來的生活而勞累，雖然家人的幸福，工作的安定同囡囡的關心都俾我有一份快樂，如果知足的話，我其實係應該要好好好開心同滿足，不過有邊個人可以真真正正咁話會知足吖，得一就想得二，所以我諗我的人生將會繼續追尋得唔到的嘢，哈哈 ．．．我係唔係好傻呢 ?! 

打風期間，天氣都冇咩太大轉變，淨係氣溫比之前熱咗ｄ，焗咗ｄ咁囉，響月台等車期間，小風扇已經成為我的至愛，咁熱的日子相信都要持續好幾個月喇 

聽晚劉醫生請我食 Pizza，叫定母親大人唔好煮我飯喇，食完嘢再去元朗玩先，不過千期唔好俾囡囡知道呀，因為佢又會問我好多嘢 ga．．．如果今晚中埋六合彩會仲好添，中咗的話，今個月餐餐都入我數又點話吖 ~~ 

今日好熱呀，可能同一號風球有少少關係，不過好彩香港正處於高壓脊，颱風又點可能吹過黎吖，再掛更加高風球的機會就更加低，話唔定個颱風一見到高壓脊就轉頭走添呀   

尋日果幾堂真係好悶，講的嘢唔係話冇用，不過我冇咩興趣囉，一邊聽書，一邊想瞓覺 

上完堂，就同囡囡出街玩喇，不過天氣太熱喇，我同囡囡都係響商場行吓，睇吓嘢 ja，買咗件衫俾囡囡之後，我地就去咗打邊爐喇，打邊爐的地方係小X羊，唔知係唔係上咗市的關係，ｄ嘢食貴咗咁多 ge，不過佢ｄ嘢咁好食，貴ｄ都係值得，最後原來恆生信用卡有 9 折，再用埋 cash dollars，總共只要俾 $300 就 ok 晒喇 ．．．

食完嘢之後就買咗張六合彩，因為星期二有好多錢呀，三千幾萬，中咗真係唔駛做喇，諗起都好開心，希望俾我一注獨得啦 

今日唔願起身返工呀，好攰，好眼瞓，可能尋晚夜瞓囉，加上有好多嘢諗，聽日又要上堂，即係一日的假期咁就冇咗喇，冇辦法啦，讀書係緊要ｄ呀 

星期日同囡囡出街，究竟同佢去食鷄定係打邊爐呢 ?  囡囡一邊話要食鷄，另一邊又話好耐都冇打過邊爐喎，咁為咗佢 M. Phil 畢業成功，俾佢任揀啦 

"囡"囡約咗我七月七日去玩，玩咩 ?!  唱 K 喎，咁我都好耐冇唱過 K 喇，都唔知有咩新歌可以唱，不過去到都係食吓嘢，飲吓嘢，同玩吓嘢，仲要果日出埋糧添，應該會幾開心呀 

太陽終於出來了，過咗一個星期以上的陰天加雨天的生活，傘子都差ｄ俾我用爛，總算宜家可以過番ｄ雨過天晴的生活，我的人生亦都一樣，正如我尋日總算考試個 DFM 試喇，之後就係等結果喇，希望可以過啦，份卷話深唔深，話淺亦都唔淺，吹水吹爆嘴果總考試形式囉，有冇信心 ?!  真係唔知喎，始終考試的嘢好難講喎，過咪開開心心咁慶祝，唔過咪補考囉，不過我唔係擔心依件事，我最近又有一件事情好困擾，相信又要幾個月時間先可以解決，到時先係我人生可以值得開心的時刻呀 ~~

今個星期日又要上堂，因為 AIM 果個 course 仲有年半先完，宜家諗緊有咩其他 courses 可以讀，例如皮膚科，糖尿，兒科等等．．．

今個星期日同囡囡食 KFC 呀，因為佢話好想食喎，咁都好，其實我都好想食 ga，希望星期日大家都食個痛快啦