熱死人喇，診所的冷氣開唔著呀，開唔著的定義係．．． Power 係著，不過冇冷風出黎，好在今日又唔係太熱，如果唔係今日都會變咗做濕蒸 Peter 喇 

股票獲利，咁o岩下個月係父親節之如又係父親大人的生日，哈哈，做孝子的我一定要為父親大人慶祝吓啦，其實依桶金仲未賺夠，因為我只係放咗一半，仲有一半等佢狂升，希望可以再賺多ｄ啦 

本人玩股票的時間唔長，經驗唔多，不過我淨係識得分析，幸好宜家我的戰績都非常好，希望今年繼續賺多ｄ，人工又加多ｄ，咁我就好快有我想要的嘢喇 

囡囡又有嘢擔心，一樣未完又諗第二樣嘢，咁咪多煩惱囉，先完成咗之前的事，再諗第二樣，做人咁先會開心呀嘛 

尋日又熱又潮濕，去沙田上堂成為咗一件苦差的事情，出咗的汗冇辦法可以蒸發，個感覺係局得好緊要，去到一ｄ有冷氣的地方，感覺當然會好一點，不過汗水乾咗之後就係一ｄ汗臭味，我雖然有用一隻來自法蘭西的古龍水，不過仍然難以完全蓋過臭味，令我自己都作嘔非常 

額頭上面生咗一粒好大的暗瘡，屋企人話我宜家好似 "薛X燕" 喎     咁都俾佢地諗到，其實我又唔係因為粒暗瘡而唔開心 ge，只不過係驚影響到我個媾女指數 je，媾女指數一低，就會冇靚女敢自動埋我身，咁我就會好慘 ga la，千期唔好俾囡囡知道我有依個指數，如果唔係又要俾人扭耳仔 ga la 

依幾日屋企都開行晒冷氣，雖然唔係咁環保，不過真係熱到忍無可忍，開咗冷氣之後，心情亦都變得好好，再嘆番套電視劇集，真係人生一大享受，近排的電視劇係關於法證的工作，又真係幾好睇喎，可以等我諗吓邊個係兇手，都幾過隱呀 

今日天雨濕濕，真係唔想上堂，如果唔係為咗份筆記同個簽名，真係唔想去沙田上堂，不過又應承咗幫劉醫生攞埋筆記，冇計啦，為有辛苦ｄ去一趟啦 

男朋友同女朋有分手的原因大致上有兩個，第一，識咗另一個女仔，第二，一齊得耐覺得悶．．．咁女仔呢 ?  佢地都有令結新歡的可能，都會覺得悶，都會覺得 "未玩夠"，不過佢地會以 "性格不合" 黎做藉口，其實咪係識咗第二個男仔，所以貪新鮮唔係男士們的專利，女士們一樣可以貪新鮮，未玩夠，又或者 ．．．一夜情，好可怕呀，諗起都怕怕 

聽日又要到沙田上堂，不過都係攞完份 notes 睇吓值唔值得留低囉，我諗休息吓係我最終的決定，順路的話要試埋個玉子將軍包，因為聽講話好好食喎 ~~ 

今個星期日打算睇番場戲，仲要係免費添，再加上要買埋六合彩呀 ~~  二千萬 ga，中咗我會休息吓，狂買吓嘢，當然要買番駕靚車玩吓啦，嘩．．．諗起都好開心呀 

今日天氣好悶熱，診所雖然有冷氣，不過仍然好似好熱咁，做嘢都冇晒心機喇 

信用卡的優惠可能要告銷，因為要交的文件好多，申請程序好煩，我寧願唔要依兩張卡喇，自己俾錢買部電視仲冇咁嬲 

依排成日諗住加人工，可能因為眼見同事們個個都有人工加，而自己人工又唔係高，交稅，俾家用，供基金，供強積金，最近半年仲要供埋其他嘢，哈哈，支出多，收入自然就覺得少啦，但係我又唔想咁辛苦做 locum 喎，因為我走出黎的原因都係想舒服ｄ，嘆ｄ，走咗去做一ｄ辛苦嘢咪違背咗我當初的想法 

不過無論點都好，我對宜家的生活都幾滿意，唯一只欠缺的係一部名牌歐洲車，不過我宜家一定唔會買住，因為我的資金有其他用處，最少依兩年都唔可以買車囉 

尋日到沙田上堂，果兩堂書都算 ok，簡而清，學到唔少嘢，最後果堂就唔知喇，不過返到屋企睇番 notes 之後都覺得走堂係一個正確的選擇 

走堂為咩 ?  當然係約咗囡囡行街食飯啦，今次出街同平時有ｄ唔同，因為多咗囡妹囉，攪到我都有少少唔自然，不過唔緊要啦，大家一齊去咗沙X皇食晚飯，今次仲叫埋炒聖子食添，都真係唔錯，不過今朝就發現ｄ濕疹有少少復發，今晚又要搽藥膏喇 

返埋今個星期就完咗個五月喇，踏入六月，亦都唔會特別努力，不過擔心的係．．．要考試，響我的人生裡面，考試測驗已經成為習慣，當然係有喜有悲啦，緊張就免不了 ga la，壓力就一時時啦，整體上我係鍾意讀書 ge，雖然宜家的確係比以前懶咗，不過我係唔會抗拒讀書囉，希望快ｄ考完試，咁就可以安安樂樂玩個痛快喇 

五月就快完，診所的命途亦已塵埃落定，一切都係我意料之中，其實影響暫時最大的係牙醫同牙科姑娘，因為各散東西之後都唔知幾時可以再見，而牙醫亦冇興趣響天水圍再開檔，而我的定向亦都未明，加人工就更加唔駛講啦，到時真係要搵一搵 K 哥幫我拆掂去，費事 L 太又同我講ｄ咩啦，總之要養一家幾口，唔加人工點可以抵抗通漲帶黎的壓力呢 

港大前院長被捕，因為懷疑佢貪污，不過我想被捕的係港大外科的一個教授名叫 John Woxg 的人，因為佢又係大貪家之一，攞ｄ公款買車買樓，好心有錢都請多ｄ人返黎幫手啦，攪到ｄ嘢多到做極都做唔完，仲要話冇 1 in 7 的假期放喎，日日都要返，果條友仔真係快ｄ俾人拉，佢被人拉去坐監的話，我一定開香檳為佢慶祝呀 

反觀換肝之父就真係一個好人，范醫生同 John Woxg 成為對頭人真係一ｄ都唔出奇，正等如好人同壞人一定係敵人多過係朋友的道理大同小異，如果范醫生第日可以上位坐正，我都會贊成，不過佢應該唔會囉，佢對名利都唔係睇得好重，做人知足就自然唔會貪，唔貪又點會被人拉吖，教授們，你地真係好好反省吓啦 

尋日送咗部 HiFi 黎喇，真係好好呀，個喇叭超大，好有專業音響的味道，遲ｄ就可以慢慢享受吓喇，哈哈哈 

今個星期日又要去沙田上堂喇，不過頭兩堂的 topics 真係有ｄ興趣，而最後果堂就可以不用理會，咁即係上堂上到五點鐘多ｄ就可以閃啦，之後約咗囡囡同囡妹一齊共進晚餐，再加上同囡妹補祝生日，哈哈，我又可以做個大豪客喇 

病情已接近尾聲，不過仍然唔可以輕視，希望可以早ｄ康復啦 

我的病都好番七成，真係苦痛難忍，不是個個人能夠受得起，明白了很多事情，明白的人會很明白，不明白的亦唔需要問，始終病痛是很難啟齒於他人 ~~ 

今日決定走堂，又要麻煩劉醫生幫我攞份 notes 喇，因為真係唔想浪費時間同金錢於一份冇咩用的筆記上，不竟唔去上堂已經浪費咗我已繳付的學費囉，錢唔係一個問題，最緊要俾我 pass，如果唔係要補考都真係幾樣衰呀 ~~ 

囡囡今晚會唔會煮粒粒飯呢 ?  希望佢的屋企人快ｄ返黎，咁就唔洗一邊返學一邊煮飯咁辛苦啦 

個 powerpoint 終於完成喇，之後 present 的工作就交俾其他人攪喇，星期四諗住繼續走堂，連名都唔鬼簽喇，因為我的 attendance 已經夠晒喇，再簽都係同丁唔丁到的問題有關，攞到 DFM 金獎會有咩好處呢 ???  最慘"丁Y" 唔成變 "焦Y" ．．．其實講笑 ja，邊有咩咩金獎吖，DFM 係 all or none，一係 pass，一係 fail 呀 

買咗套新 HiFi 喇，係 Pionxxr 5.1 系列，聽日會送黎屋企，用信用卡俾會平好多，響百老X 買都要成三千，不過張單寫明係信用卡優惠貨品，所以宜家二千元多少少已經買到喇，對我黎講真係好抵呀，咁多個大啦叭，功能又樣樣都有，哈哈 ．．．諗起都好興奮呀 

囡囡要繼續做住家女一邊返工一邊煮飯，都好辛苦喎，唯有叫佢繼續努力啦，佢的屋企人下星期就會返黎 ga la，加油呀 ~~