尋晚勁打 PS3 的 Ridge Racer 7，好玩到唔可以叫停，我由食完飯開始玩到深夜一點，如果唔係要返工，我可能打通宵都有份呀，係唔係好傻呢 ?  其實我不嬲都咁鍾意打機 ga la，只不過讀書的時候將依門手藝放低咗，宜家讀完書喇，可以去玩喇，咁咪放縱吓囉 

尋日用醫療卡的人創咗新高，一個下午竟然有十二個人用卡，差不多係全日睇症人數的一半，仲要有好多係唔駛俾 co-payment，不過我又唔介意喎，因為今個月無論發生任何事都與我無關，我只會一邊處理我的工作，一邊處理我的病人，就係咁多 

囡囡又忙住寫 thesis，壓力又大，雖然我冇咩嘢可以幫到手，不過精神上的支持都好緊要呀，希望佢繼續努力啦 

尋日到沙田上堂，嘩．．．果幾堂書真係悶到嘔，仲要係冇咩用，其實估都估到啦，Renal 邊有新嘢呀，最终極咪又係洗腎，所以我都唔蠢，走咗最後果堂，如果唔係就慘喇 

走堂之後，我就去行街同食嘢喇，當然係同囡囡去啦，我勁肚餓，於是即刻去咗沙X皇食個晚飯先，食之前我同囡囡影咗張合照，之後就開始食嘢喇，真係好好味呀，我食得超快，食完嘢之後有好多嘢同囡囡傾，佢都俾咗好多好有用的意見我．多謝晒呀    

食完嘢，咁就同囡囡玩吓行吓，不過佢好似有好多嘢諗，好苦惱咁，佢話煩緊 M. phil 畢業的 thesis 喎，八月尾要 present，希望佢可以順順利利，努力加油呀 ~~

今朝早多人都爆，一黎就連續黎咗十個，真係令人煩惱，再加上星期一冇咩心情睇症，我一個鐘睇得果幾個，要睇我的病人就真係要慢慢等吓喇 ~~

今日心情都幾好，父親大人今日請咗半日假準備事宜，勞心勞力，真係有ｄ於心不忍，其實如果可以的話，我真係想用錢解決依件事，不過既然佢都決定自己落手做，我都唔會阻止ｇｅ，不過如果真係太辛苦，俾返人地做好過呀 ~~

星期日要去上堂，其實我對果ｄ題目興趣不大，所以會上完兩堂之後走人 ga la，我諗四點半左右就走得喇，同囡囡行吓街，玩吓，食吓，諗起都開心呀，希望快ｄ過咗今日就好喇 

囡囡俾咗少少意見我，真係好多謝呀  

尋日一行，將我同屋企人要做的事情都完成喇，感覺良好，而且感覺仲比我想像中好，果然係物有所值 

喉嚨尋日下午突然間感到不自在，食了消炎藥之後好了一點，都話啦，藥物常在身，家居好放心，如果唔係我尋晚一定冇覺好瞓喇 

依排都冇咩時間理囡囡喇，因為我將會好忙，一黎要準備交 final assignment，二黎要同父親大人準備要事，希望囡囡唔好介意啦 

依一兩日ｄ腸胃唔係咁好，一來每日都痾三次，胃口都可以，不過成日個胃好似有嘢頂住頂住的感覺，好多胃氣，食藥果時就好ｄ，一唔食ｄ病徵就返晒黎，不過又唔可以怪ｄ咩，因為係我自己唔戒口，例如去食壽司，食半生熟炒蛋，食牛腩粒麵，食碗仔翅等等，都令我的腸胃雪上加霜，今日起真係要乖乖地戒口，唔可以俾自己放縱落去呀 

今日去上堂，不過都係一半半想去，唔知劉醫生去唔去呢 ?!  如果佢都唔去，我地的 notes 就凍過水 ga la，每一堂都超過成千元ｇａ，不過我真係有要事在身，想去上堂都唔得囉

依排有多少掛多咗囡囡，真係唔知點解呢 ?! 

今日鬧鐘一響，我就即刻講咗句 "咁快 ga ?!"，通常我講得依句說話係代表我真係好攰，好想瞓耐ｄ，想當年我響醫院做的時候，朝朝都會講依句說話，哈哈．．．好在宜家我日日都可以響下午瞓一瞓，真係有天上人間的感覺呀 ~~

其實我自己有時都會擔心意外會隨時發生，每日睇報紙都有唔同程度的意外發生，真係好可怕呀，所以我為自己買咗一份意外受傷保險，以防萬一，為自己又好，為屋企人又好，一份安心係我生活的必要 

聽日好緊張呀．．．係我人生的第一次，依個經驗一定要好好記住呀，希望一切順利啦 

今日同母親大人出去中環辦一件好緊要的事，依個都係我今日上午請假的原因，雖然有少少失望而回囉，不過都唔緊要，因為過多幾日仲要去辦多一次手續，所以今個星期四就要麻煩劉醫生幫我攞份 notes 喇，唔該晒 ~~

今日去一去辦手續，冇咗成皮嘢呀 ~~ 都有ｄ心痛，不過算把啦，唔俾都俾咗喇，唯有之後努力ｄ搵返ｄ錢啦 

辦完手續之後，同母親大人到元X食壽司食嘢，好好食呀，食到大家都好飽呀，由於係用卡找數，六月先要還款，哈哈，原來"洗錢" 真係好開心 ga   

囡囡生活如常，值得令我放心，仲有我發現原來囡囡都幾細心 ga wor，哈哈 

尋日同囡囡出街，可能我出汗太多同埋太攰，有少少腳軟同見暈囉，不過響麥記食咗少少嘢同飲咗杯可樂之後，身體狀況已經回復，可以繼續行街喇 ~~

買咗兩樣嘢，第一樣係數支 Mont Blanc 筆芯，第二樣係 Paul Smith 古龍水，可以有人會問點解我要用古龍水，因為我比較容易出汗，夏天的時候我唔想身邊的人受罪，所以會噴少少黎減少我的汗味，而我屋企仲有支 Mont Blanc Cool 古龍水都仲未用晒，不過氣味就好快消失，一日要噴兩次先可以有足夠的氣味，基本上其他人係聞唔到ｇａ，只有響我頸上仔細聞清楚先可以知道我有冇用香水呀 ~~

聽日上午有急事做要放半日假，下午再戰江湖 ~~   中午會同我媽咪食壽司，當然係由我請啦，希望大家都可以食個痛快．．．點解要食壽司 ?!  因為元X 俾咗 d Coupon 我囉，唔食就浪費晒喇 

尋日我同囡囡唔係有太多說話，可以因為我太攰而集中唔到精神，思維好混亂，加上前果幾日有頸緊同頭痛的情況，有機會作病，不過宜家瞓醒覺又好似冇咩事喎，希望今個星期日見囡囡會好ｄ啦 ~~

今朝起身之後冇幾耐就頭痛喇，可能尋晚開住把風扇瞓覺所致，宜家o岩o岩食咗粒藥喇，希望快ｄ可以止到頭痛啦，如果唔係真係冇心機睇症 ga la 

依排要成日睇好多雜誌黎攞靈感，因為要買好多嘢呀，都唔知俾人做定係自己做好，如果自己做，我 Daddy 都會幫幫手，不過我寧願俾多少少錢叫人幫手做囉，因為唔想Daddy 咁辛苦呀，而我媽咪又唔 sponsor 我喎，得我一個人硬食依筆數，慘慘 lu ~~ 

尋晚已經掛咗三號風球喇，唔知今日會唔會有八號風球呢 ?!  係就可以早ｄ返屋企休息一吓，同BoBo 狗仔玩吓，打吓 PS3，瞓吓覺，咁就真係爽喇 ~~

聽日同囡囡出街玩，不過如果太大風太大雨，可能會上囡囡屋企囉，希望囡囡唔好唔歡迎我就好喇