  |
  
|
尋日同囡囡上山頂遊玩，又用攝錄機，又用腳架，成套武裝咁影咗好多嘢，原來囡囡未搭過纜車ｇａ，所以佢都特別興奮，同佢影咗ｄ二人照，大家都好開心呀 
真係行到好攰呀，兩隻腳都軟晒，當然走的方法係搭番纜車落山，不過原來囡囡真係未搭過纜車呀，點解我知 ?! 因為佢講咗一句說話而令纜車上好多人望住佢囉，不過點瘀都未夠我之後講的事瘀囉 
去完山頂之後，我同囡囡就去搵嘢食喇，去到灣仔，原來之前食開果間私房菜館已經冇做 lu，生意真係難做，咁唯有搵過第二間食嘢啦，行入果個商場，有兩間嘢都想食，不過一睇個餐牌，第一間都覺得唔係好想食，不過眼見囡囡話要食，咁就入去啦，點知再一睇 menu，食物又貴又麻麻，一黎好似好多油，二黎食物個份量真係好少，不過我話繼續坐低啦，但係囡囡話唔好，話不如即走，因為嘢又未食，水又冇杯．．．由囡囡帶頭走，我響一個不自願的情形下都跟囡囡走咗，其中一個原因係我怕羞囉，以為坐低咗一定要食，都係囡囡夠勇敢，而我就好似個小朋友咁扭計唔走的樣 
又係令人討厭的落雨天，真係好唔鍾意果種濕濕地的感覺，這種情況令我想起做女人有月事的煩惱，因為據她們形容，月事時所用的 M 巾會夾響兩腿之間，濕濕熱熱的感覺令她們難受，亦有男士們想了解女性月事的苦惱，曾用一塊佔濕了的 M 巾放在自己的底底內，要足足放咗一日，據這位男士的形容，這種感覺如果用十級黎形容，佢會俾九級，可想而知，女士的苦惱不是可以用言語黎形容，所以男士們要對女士們好ｄ喇．．．
尋日上堂真係好好，因為佢係一個 ENT surgeon，講的嘢好有用，不過由於時間關係，我上到四點就要走喇，不過之後講果ｄ都應該冇問題ｇｅ，事關出到黎開檔都應該用唔著，舉個例．．．FBI (Foreign Body Ingestion)， 響 clinic 可以做的嘢真係好有限，尤其是深喉果隻，唔通即刻同佢 scope (照內窺鏡) ?! 最後咪又係將個波俾咗 AED，所以話姐，出黎做同響醫院做真係有少少分別ｇａ 
囡囡就快好番喇，恭喜恭喜．．．
今日好大雨呀，攪到褲腳又濕，鞋又濕，仲要搭車有條"馬老"響我後面狂咳，又唔用手遮住，真係想鬧佢，不過算啦，我搭一陣就落車，即刻響個公事包攞個口罩出黎用，費事俾條友仔傳染我
聽日又要到沙田上堂，希望唔好落雨啦，一定要去ｇａｌａ，因為要交功課，加上聽日個 topic 都幾吸引，不過要睇一睇份 notes 得唔得先，到時先決定留唔留低聽
今朝早有個阿婆黎話眼痛，完來佢一直都有眼眉毛倒生，有眼科醫生跟開，今次黎的目的係想我同佢剪眼眉毛，一來診所的儀器嚴重不足，二來依ｄ嘢係眼科的 case，如果有咩事邊個負責 ?! 再加上剪完的眼眉毛會有少少尖的毛腳，可能會比起之前更加"吉"，咁大風險的情況下，由為病人的最大利益作依歸的考慮下，一支 eye drop 加上一封 referral letter 係最好的決定，俾眼科睇吓好ｄ 
依排生意回落，可以北上市民仲未返黎香港，而學校又放緊假，咁的情況下，對我的影響都幾大，希望依幾日都頂得住，如果唔係就慘喇 
囡囡感冒有改善，聽到都好開心呀，希望佢快ｄ好番，咁我就放心晒喇 
天氣麻麻地，攪到我心情都係一般，不過依幾日整體心情都算係好 ge ...
尋日聽到有一位獨自開檔的醫生，生意非常之好，一日都會有成兩佰個病人黎睇佢，而佢就由九點做到成夜晚十一點，中間仲要冇食飯時間，即係話睇完一個症之後就食少少，跟住又睇另一個病人，你話佢係唔係傻 ga ?! 仲要話佢老婆成日買咩咩 LV 又買鑽石，而自己就只係著 Bossini 恤衫，依ｄ就真係名乎其實的"慳家王"喇 
做人要做得精彩，有錢而冇福份享受又有咩用呢 ?? 一日要做成十四個鐘，仲要係冇停咁做，實在太辛苦喇，我寧願搵少ｄ就洗少ｄ，一日半日做長少少時間就無咩所謂，不過要我日日咁做就唔好攪喇，我比較鍾意 hea 的生活 
囡囡病咗，不過食咗我俾佢的感冒藥又好似冇咩嘢喎，希望佢快ｄ好番，可以繼續努力讀書同陪我玩，哈哈
今日係公眾假期，不過都係要返工，加上本人今個月已經過咗額喇，希望今個月可以分多ｄ，跟住就可以有多ｄ彈藥玩呀
尋日同囡囡玩得好開心，一開始響香港公園影吓相，行吓加埋吸吓新鮮空氣，成個人都鬆晒，不過行行吓就覺得好攰，所以同囡囡休息吓囉，休息一會之後，就係時候要去食飯喇，係囡囡精選的 "有ｘ氣" 打邊爐，仲係任食添呀，食物雖然真係冇 "小ｘ羊" 咁好食，不過勝在個湯底夠清，唔會食完有一種好膩的感覺，所以我都食咗好多嘢囉，真係好開心呀，多謝囡囡為我又出錢又出力呀，我會記住尋日的美好時光 ga la
功課已經成功做好，可以好放心喇，不過另一樣令我依一兩個星期有ｄ擔心囉，係咩 ?! 都係唔講喇，因為只要捱得過依兩個星期，一切就會變得好美好 ga la
尋晚好夜先瞓呀，因為要追看電影，不過換來就係今朝早唔想起身返工，好眼瞓呀，一陣下午返屋企要瞓個好先得 
今朝早出師不利，一黎就整個 card holder，今日都唔方有好多生意去分 bonus 呀，一於睇慢ｄ，做吓功課，諗吓囡囡仲好啦 ...
依個集團的 locum 真係肥外不肥內，出面黎我地果度做 locum 就有成 $XXX / hour 現金，而我地做的就 $YYY / hour 支票，由於經支票入帳要交 17 % 的稅，所以實際所得只係得 $ZZZ / hour 囉，而差不多 X = 2Z，因此公司此舉減 locum 錢的行為直接影響我的利益，所以我將唔會同佢地做 locum ga la，幫佢搵咁多錢仲要益街外人都唔益自己友，真係令人覺得討厭，第日佢唔俾 $PPP 咁多錢的話，我一定唔會同佢做呀 
過埋今個月，我將會用第二政策睇症，希望可以收到預期效果啦，哈哈
