今日又要到沙田上堂，不過攞完 notes 之後要走人，因為今日係一月最後一日，再加上今個月已經過咗額，如果又好似上次咁攪到咁遲，我今日大大話話會響果幾個鐘頭冇咗幾佰元至一千元，一於早ｄ返診所搏殺，搵多ｄ奶粉錢養 B 仔，第日仲要養埋屋企人添，少個錢旁身都唔得．．．不過忙裡都要偷閑，我已經打算攞完 notes 之後去沙田市中心的 KxC 食鷄鷄餐，用埋 member card 同禮卷，俾幾元就已經可以嘆番吓，食完仲可以慢慢地返診所搵真銀．．．爽呀．．．哈哈．．．

今朝返到診所，醫生房的燈唔著喎，咁唯有我換咗佢啦，宜家醫生的功能真係好多，連姑娘的工作都要做埋，真係遲ｄ我都要出埋去登記執藥加埋出藥，你話吖，搵錢真係好難呀 ~~

上午有姑娘返工，因為果個 part-time 阿芝話返又唔返，之前響對面診所都已經成日話返又唔返 ga la，攪到對面個醫生怒火狂燒，我宜家都就快火山爆發，不過好彩有牙科姑娘幫手，如果唔係我一定投訴 office，投訴佢地庸人請庸才，到時阿太就對"壞人陳"不利喇 ...

今日心情唔錯，因為可能知道星期日有團年飯食，我為咗食物質素要更加好，俾咗少少錢我阿媽買多少少好嘢，希望每個人都食得開心，團團結結，齊齊整整，咁就係最好最開心喇 ...

今日的賀年禮物已經送到黎診所喇，開心指數急升，哈哈，希望收禮物的人都一樣開心啦，即係囡囡呀 

煩病人真係好多，食完藥話暈要求換過晒ｄ藥，如果唔係就要醫生負責，咁惡 ?!  真係有 ga，宜家ｄ人好惡死呀，一ｄ尊重都唔識，假假地都係醫生吖，俾吓面好喎 

做醫生真係有喜有悲，開心的當然係病人睇完我之後好番，有健康的身體啦，唔開心的就係有時不被人尊重，被人鬧，所以有時都唔想對病人太好，因為付出與回報真係唔相衡囉 

今日天氣仍然好凍，又雨濕濕，真係有ｄ唔想返工囉 

今朝返工的姑娘係元朗的 IC，都幾後生喎，真係估唔到佢係 IC，哈哈 ... 工作表現都 ok，又係一個頂幾個果ｄ人，如果診所可以多幾個依ｄ姑娘就好喇 ...

尋日診所爆多人黎睇我，我都唯有全力以赴，做到最好啦，因為今個月有得分呀嘛，結果全日俾我谷到營業額成萬幾元，哈哈．．．今次發達喇 ...

囡囡尋晚俾我迫佢講出現時最煩惱的五件事，哈哈．．．估唔到其中一樣都係有我份喎，我唔通真係好煩 ?!  哈哈 ．．．當然唔係啦，囡囡話我自從做咗診所之後成日都病，身體差咗，要佢擔心喎，估唔到咁都係佢擔心原因之一 

我自己有咩擔心 ?  擔心囡囡，擔心屋企人，擔心自己讀書，擔心工作，擔心 BoBo，擔心唔夠錢用．．．太多太多喇，總之有好多嘢要諗，好多嘢要煩 ．．．

今日天氣都好凍呀，凍到有ｄ唔想返工，都係諗吓姐，唔返又唔得，唔通真係要放大假 ?!  都係遲ｄ先諗依個問題，宜家工作係最緊要 !! 

診所可以上到網睇電視喇，係我的私人電視黎呀，冇其他人可以睇到，宜家響診所同響屋企真係完全冇分別，爽呀 !!  

都係講返尋日的事啦，約咗屋企人去酒樓飲茶，今之都係我請，一家人開開心心係最好 ga la，我仲同父親大人一齊去睇傢俬，總之就係好開心啦；食完嘢，約咗囡囡行街，不過囡囡未到之前，我咪自己行吓街先囉，行到好攰呀，見到囡囡之後，佢又唔開心喎，哈哈，做男朋友都幾難 ga ...

行吓吓吓，肚仔餓添，食 Mos Burger，都好好食呀；囡囡又去無印買材料準備整朱古力俾我食，上年食過都 ok ga，今年都應該會好好食呀，多謝晒 ~~ 

行吓又休息吓之後，成個人精神晒，夜晚就去食"魚X家"米線，好好食呀，不過就有味精囉，因為食完之後會好想飲水 ．．．再之後想睇我的嘢，不過已經買唔到喇 ... 唔開心就實有 ga la，不過我覺得又唔係必須品，唔要都冇所謂囉 ...

診所突然唔見咗二佰幾粒消炎藥 Arcoxia ?!  連寫字樓都知道依件事，仲會展開調查添呀 ．．．希望只係點錯數啦，因為二佰幾粒差不多成十盒 ga，如果寫字樓報警的話，今次依件事都會好大鑊，犯法嘢黎 ga，希望今次真係唔係有人咁做啦 !!   

尋晚同 Joanna 傾電話，講到星期四上完堂仲要上 tutorial 一事，因為下一次可能要傾成兩個鐘頭，咁當四點半開始，都要成六點半先完到，返到診所咪成七點大半，一定俾人鬧呀，所以我同 Joanna 都想搵個星期日下午上依個 tutorial，咁一來夜診的醫生們可以有時間瞓覺，而我地又可以解決咗個問題，如果真係唔得，可能淨係我同 Joanna 上星期日，其他同事上星期四囉，不過點都好，要肯定個 tutor 星期日得閑先得，如果唔係講黎都冇用 

天寒地凍，最好就響屋企個被窩裡面休息瞓覺，不過唔返工又唔得，手停口停，做少ｄ都養唔掂 B 仔，正所謂"餐搵餐餐清"，我真係冇幾個錢旁身 ga，有錢都用咗去啦，真係窮光蛋一隻黎 ga 

今日好凍呀，響屋企的 B 仔一定凍到縮埋咗一 "舊"啦，好可憐呀，不過冇辦法啦，又凍又落雨，依ｄ天氣最容易病 ga la，一定要小心身體呀 !! 

終於都將果隻衰嘢放咗喇，攞番ｄ資金響手，準備繼續有其他用途，不過宜家真係要好小心，因為市況反覆不定，一吓唔留神就冇咗好多 ga la ...

"本月的下半段診所業務不乎合預期理想，月尾分紅情況其差，消息公報後，業務都沒有改善，意味著分紅情況係自 2007 年暑假以來最差的一個月，再加上業務管理層將營業額定得太高，亦都係拖累業務及令員工士氣大減的主因，有關方面未對此回應，不過相信下個月業務會有技術性的反彈，希望投資者不用擔心 " ... 

天寒地凍仲話上山頂，唔好掛，等遲少少回暖先去啦，好唔好姐 ?! 

今日要去沙田上堂，又凍又落雨，真係唔想去呀，不過唔上又唔得，慘慘喇 

尋日講解 chronic hepatitis B 講得好詳細，希望可以令佢知得更多啦，祝身體健康 

生意額麻麻，今個月有得分可能變做冇得分，心情差，冇心機，又要還番讀書錢俾人，真係覺得自己的收入都不夠支出，生活有少少壓力，唉 ~~ 香港人真係好大壓力呀 

股市大跌，係入貨的好時機，我等咗咁耐就係想個股市跌到咁低，有人話仲有得跌，不過對我黎講已經唔緊要，要儲夠彈藥分幾次慢慢入市，理得佢係唔係再跌，一跌就再入，哈哈．．．

今朝遇到個超級麻煩女人，問完依樣又到另一樣，問完東又問西，解釋完又唔信，真係頂妳個ｘ吖，即刻 mark 響個牌板面為 MLF，俾果少少錢就要用三四個其他病人的時間，妳大晒咩 ?!  第日都唔想再睇佢 !! 

第二個病人又係麻X煩，最憎果ｄ攞卡入黎話要做檢查，多嘢填到死，又要 fax 又要問卡公司，攪一攪冇咗我成半個鐘，如果響我臨收工先黎，我一定唔會對佢好客氣 

今日好火爆呀，冇心機打 blog !! 

尋晚真係好多謝劉醫生果餐，佢買咗 $108 的 KFC 返黎診所，真係好好味呀，應承咗劉醫生要今日響 Blog 讚揚吓佢，不過原來我唔記得讚揚佢上個星期四的海鮮餐，兩餐都食得好開心好滿足呀 ~~ 多謝你呀 ~~ 劉醫生 ~~  (好似有ｄ浮誇添) 

診所都係七國咁亂，退燒水又冇，咳水又冇，真係冇得救 ga la，希望佢俾幾個熟手姑娘我啦，我其實真係冇嘢驚，驚俾病人鬧，不過有幾多人知道唔關醫生事呀，有幾多人能夠了解我的難處，有幾多人能夠體諒我吖 ~~

尋日想買工商 ga la，好彩冇買到，因為一陣開市果時一定跌到非常厲害，我即刻響網上面 set 個更加低的價位，不過除非真係大股災，如果唔係都未必跌到咁低，不過有時都好難講，一陣冷手執個熱煎堆，哈哈．．．到時先再算 lu ~~ 

囡囡的咀仔已經冇咩唔舒服喇喎，不過都要繼續搽藥膏呀，好快斷尾 ga ja，不過要有恆心，一曰搽多幾次，知道冇 ?! 

今日朝早對面的 IC 阿蘭過黎睇住新姑娘做嘢，順便教吓佢，有阿蘭響度，今朝早應該唔會有問題呀，希望樣樣都順利，唔好有嚴重錯誤啦 

尋日係一日好開心的日子，我一早起身就同屋企人帶狗仔落街玩，狗仔好開心呀，佢識笑ｇａ，好可愛添，帶完佢散步就返屋企食粥喇，點鬼知狗仔小便有少少血，已經唔係第一次喇，可能真係尿道炎，於是咪 book 個獸醫睇睇囉，其實狗仔有尿道炎一ｄ都唔出奇，因為佢一黎唔鍾意飲水，二黎又唔鍾意去小便，終於攪出個尿道炎出黎囉，狗仔狗仔，妳快ｄ好番啦 

響屋企食完魚腩粥之後，就出門口搵囡囡喇，相約響金鐘買嘢，其實我係想買 Mont Blanc refill 呀，咁囡囡咪陪我入去囉，售貨員全程都好有禮貌，問佢要多個紙袋都冇問題，我地好似貴賓咁，其實 Mont Blanc 依個牌子響男士心目中都係好出名ｇａ，我都好鍾意，囡囡知我鍾意，上年亦送過一個 Mont Blanc 卡片包俾我，我日日都有帶響身ｇａ，諗番起都要講聲多謝 

買完嘢就去玩喇，行行街，睇睇嘢，由金鐘去天后，再由天后去銅鑼灣同灣仔，終於俾我地搵到想去的地方，哈哈 ... 真係開心喇 

晚飯就返番銅鑼灣食，臨食之前響藥房買咗支 Bonjela 俾囡囡搽嘴仔，我諗佢肯努力搽兩日就好快冇事ｇａｌａ．．．買完藥膏，就上樓上食私房菜，名為 "媽子小廚"，佢大大隻仔寫住不含味精，咁囡囡個腸胃又唔係咁好呀嘛，所以咪試吓食ｄ清淡健康嘢囉，都係唔錯喎，食完之後又冇口乾，所以我都肯定佢係冇味精的 ...

食完好嘢之後，行埋 Time Square，囡囡醉心於 b+ab 同 Zara，我就想睇睇個新鬚刨，不過因為價錢不合理，所以大家都冇買任何嘢呀，但係都係好開心囉，可能有囡囡響身邊掛 ...