今朝早好凍呀，著多咗件衫，聽說今晚仲凍呀，會跌至 13 度，又加上落雨，份外清涼．．．唔知仲咩今朝出咗兩粒 Urticaria，好痕呀，為免佢愈出愈多，食粒抗敏藥先，唔知會唔會同轉天氣有關呢 ?! 
尋日響沙田上咗一堂之後就走喇，同囡囡去睇咗兩間酒店，兩間都 ok 既，一間平ｄ，一間貴ｄ，其實點都好啦，最緊要係我同囡囡開開心心就得喇 
晚上同囡囡響油麻地食日本嘢，好好味呀，不過因為之前果個月同囡囡都食過喇，冇咗一份驚喜既感覺，但係仍然對依間嘢有一份讚賞呀 ~~ 
| 14th Nov 2009 |
一般 | (9 Reads)
屋企部電視機真係壞咗呀，開得著，不過冇畫面囉，影響就實有 ga la，不過對我就唔係好大囉，母親大人影響就大ｄ喇，希望可以早ｄ搵人黎整番好部電視啦 
今朝天氣凍咗好多呀，要著番件冷背心先夠暖，返到診所就暖晒喇；咁凍既日子真係唔想跑步呀，依個禮拜都好似未跑過步，希望唔會咁快肥番晒啦 
囡囡尋晚考新娘化妝既試，一切順順利利，成功合格，仲有機會全班最高分添喎，真係值得慶祝，星期日就同佢去慶祝一吓，食吓好嘢，參觀吓結婚酒店就好喇
有ｄ擔心星期五做 locum 有冇時間瞓覺呢 ?! 冇得瞓好慘 ga，第二日又要返工，不過下午可以瞓番補數既，趁後生搵多兩個錢旁身都好，當響醫院做囉，醫院都要 call，都要冇得瞓 ga la，宜家又冇壓力咁做，加上做 locum 睇症同做日診睇症係有少少分別既，畢竟做 locum 醫生睇得再好都唔會有人搵番你，只要唔好開錯藥就得，輕鬆好多 
| 9th Nov 2009 |
一般 | (13 Reads)
星期六夜晚做咗 locum，為既只係一份人工，其實夜診都真係幾好做，兩點後一個症都冇，坐到六點就可以放工喇，食完個早餐就返屋企瞓覺，又唔係太辛苦，如果再有 locum 我都一樣會接黎做呀 
瞓醒之後就同屋企人落樓下飲茶，飲完就約囡囡出街玩喇，話就話玩，其實係做一ｄ好正經既嘢，就係去婚展睇酒店喇，雖然我尋日好攰，不過有囡囡照顧住都真係好好，好放心，佢都好體諒我，唔駛要我走好多路．．．宜家考慮緊邊兩間酒店擺酒，其實我兩間都可以 ga，囡囡唔好太擔心婚姻場地啦，我地一定可以攪得好好睇睇 ga
今晚會去燒嘢食，希望可以早ｄ食完返屋企打俾囡囡啦，keke ．．．
| 7th Nov 2009 |
一般 | (31 Reads)
尋晚又跑咗 13 圈喇，對腳好攰囉，今朝又要追車，要休息一吓先得．．．尋晚用新耳筒跑步，因為母親大人話唔好用喎，今次真係益咗我喇
大佬今日會同父母親大人去婚展簽 contract，訂擺酒場地咁喎，而聽日我都同囡囡去睇婚展呀，希望有一ｄ好嘢睇啦．．．下午冇媽咪麵食，要食丁丁飯，不過一日半日就冇咩所謂啦 
尋日下午比較 hea，溫咗好多書，今日星期六都好難有時間溫書 ga la，夜晚又話要上渡假屋玩喇，餘下果幾個星期真係要努力讀書呀 
屯門急症室有個醫生要坐監喎，因為佢非禮一個 15 歲女病人，前途盡毀囉，佢個牌真係凍過水，希望佢會醒覺啦 
| 5th Nov 2009 |
一般 | (10 Reads)
今日心情好好，可能同臨出糧有關掛 ?! 陳X健尋日搵過我過檔，不過條件真係一般，計埋車錢都只係同宜家差唔多，仲要食飯得一個鐘，都係唔走 ga la，除非加人工有我宜家 10-20% 啦，原來我宜家都幾幸福呀，都係暫時做住先啦
尋日母親大人收到一份禮物，係跑步用既耳筒連 mp3，都真係又易用又方便喎，母親大人尋晚一邊跑步一邊用新機聽歌，都幾享受呀，星期日借黎用吓先得
電視機真係壞咗呀，一陣要打電話去叫人上黎收理，好彩有 5 年保養，宜家已經四年半喇，屋企宜家都係用上網電視盒睇住電視先 ja，總好過冇得睇既
囡囡尋晚學新郎化妝，遲ｄ要搵我做 model 作為練習之用喎，我就冇所謂呀，希望佢學有所成就得喇
